The news is by your side.

شہباز گل کی نئی میڈیکل رپورٹ سامنے آگئی

اسلام آباد : میڈیکل بورڈ نے تحریک انصاف کے رہنما شہباز گل کو مکمل طور پر فٹ قرار دے دیا۔

تفصیلات کے مطابق تحریک انصاف کے رہنما شہباز گل کی نئی میڈیکل رپورٹ سامنے آگئی، ذرائع نے بتایا ہے کہ شہباز گل کی میڈیکل رپورٹ 6 رکنی بورڈ کی تیارکردہ ہے۔

میڈیکل بورڈ رپورٹ میں کہا گیا ہے کہ شہبازگل مکمل طور پر فٹ اور ہوش وحواس میں ہیں۔

رپورٹ میں بتایا گیا کہ شہباز گل نے بورڈ کو تفصیلی طبی معائنے کی اجازت نہیں دی، میڈیکل بورڈ نے 21 اگست کو شہباز گل کا از سرنو طبی معائنہ کیا۔

میڈیکل بورڈ کی رپورٹ میں کہا ہے کہ شہبازگل طویل عرصہ سےدمہ کےمریض ہیں، وہ کبھی کبھی دمہ کی ادویات استعمال کرتےرہےہیں، ان میں معمولی دمہ کی تصدیق ہوئی ہے۔

رپورٹ کے مطابق شہباز گل موجودہ حالات میں صحت مندہیں، وہ ان ہیلر اور نیبولائزرکااستعمال کررہےہیں، ماہر امراض سینہ نے شہباز گل کو ادویات تجویز کردی ہیں۔

میڈیکل رپورٹ میں بتایا گیا شہبازگل نے بورڈ کو میڈیکو لیگل کی اجازت نہیں دی، ڈاکٹرز نے شہباز گل کو سانس کے مسئلے کے حل کیلئے ٹیسٹ تجویزکئے لیکن انھوں نے سانس کےمسئلےکی تشخیص کیلئے ٹیسٹوں کی اجازت نہیں دی۔

رپورٹ میں کہنا تھا کہ شہبازگل نے بورڈ کو مکمل جسمانی معائنے کی اجازت نہیں دی ، انھوں نے ڈاکٹرز کو صرف سینے کے چیک اپ کی اجازت دی۔

میڈیکل بورڈ کی جانب سے کہا گیا کہ شہباز گل کےخون کے ابتدائی ٹیسٹوں کےنتائج نارمل تھے تاہم انھوں نے چھاتی کے ایکسرے اور ٹیسٹ کی اجازت نہیں دی۔

میڈیکل رپورٹ میں بتایا ہے کہ شہبازگل نے نیبولائزر،ان ہیلرپر سانس کامسئلہ ٹھیک ہونے کی تصدیق کی اور میڈیکل بورڈ نے شہبازگل کو بھوک ہڑتال کے نقصانات سے آگاہ کیا۔

Comments

یہ بھی پڑھیں