The news is by your side.

شہبازگل نے شہبازشریف کو بچوں کا وزیراعظم قرار دیدیا

معاون خصوصی شہبازگل نے شہباز شریف کو بچوں کا وزیراعظم قرار دے دیا۔

اسلام آباد میں میڈیا سے گفتگو میں شہبازگل نے کہا کہ آج بچوں کا وزیراعظم پریس کانفرنس کر رہا تھا بچوں کے وزیراعظم کا خواب کبھی پورا نہیں ہو گا بچوں کے وزیراعظم نےڈمی وزیراعظم بننےکی کوشش کی۔

شہبازگل نے کہا کہ پاکستان غیرت مند لوگوں کا ملک ہے اپوزیشن کوپاکستانی کبھی معاف نہیں کرے گی یہ لوگ نائب وزیراعظم مقصودچپڑاسی کو بنانےکی کوشش کریں گے۔

اس موقع پر وزیراطلاعات فوادچوہدری نے ہماری مڈل کلاس پارٹی ہےآئین کیخلاف کچھ نہیں کریں گے کل انشااللہ پر ویزالٰہی وزیراعلیٰ پنجاب ہوں گے چوروں کےگروپ کی سوچ ٹرانسفر، فنڈسےآگےہی نہیں نکلتی۔

فواد چوہدری نے کہا کہ بہت لوگوں کےخواب چکنا چور ہونے ہیں شہبازشریف کا وزیراعظم بننےکا خواب کرچی کرچی ہوناہے عدالت سے ضمانت پر بیٹھا شخص وزیراعظم کا امیدوار ہے باپ وزارت عظمیٰ اور بیٹا وزارت اعلیٰ کا امیدوار بن بیٹھا ہے دونوں ہی عدالتوں سےضمانت پرہیں۔

انہوں نے کہا کہ مجھے وزارت قانون کا قلمدان مل رہا ہے کل ہی عدالت سے درخواست کروں گا شہبازشریف اور حمزہ شہباز کی ضمانت مسترد کی جائے، کسی کو باہر بیٹھ کرپاکستان میں حکومت تبدیل کرنےکی اجازت نہیں دیں گے اتحادیوں کو کہا آئیں شہادتیں دیکھ عالمی سازش کیسے ہو رہی ہے شہبازشریف کو بھی کہا آئیں مراسلہ دیکھ لیں وہ بھی نہیں آئے اس کی ایک ہی وجہ ہےکہ یہ لوگ سازش کاحصہ ہیں۔

Comments

یہ بھی پڑھیں