The news is by your side.

Advertisement

ہمارا جینا مرنا عوام کے ساتھ ہے، ہمیشہ کرپشن کےخلاف رہا، دامن پرکوئی داغ نہیں، شہباز شریف

لاہور : وزیراعلیٰ پنجاب شہبازشریف کا کہنا ہے کہ ہمارا جینا مرنا عوام کے ساتھ ہے، عوام کی عدالت میں آج ہم سرخرو ہیں، ن لیگ نے خدمت کی سیاست کی ، مخالفین الزامات کی گرداڑاتے رہیں۔

تفصیلات کے مطابق وزیراعلیٰ پنجاب شہبازشریف نے اراکین اسمبلی سے گفتگو کرتے ہوئے کہا کہ ہمارا جینا مرنا عوام کے ساتھ ہے، ہمیشہ عوام کی خدمت کی اورآئندہ بھی کرتےرہیں گے، عوامی فلاح و بہبود کےترقیاتی منصوبے بنائے۔

شہبازشریف کا کہنا تھا کہ عوام کی عدالت میں آج ہم سرخرو ہیں، ہمیشہ کرپشن کےخلاف رہا، دامن پرکوئی داغ نہیں، ن لیگ نےخدمت کی سیاست کی،مخالفین الزامات کی گرداڑاتے رہیں۔

انھوں نے مزید کہا کہ سرمایہ کاری کرنیوالے دوسرے ممالک کیا سوچتے ہوں گے، یہ بات جھوٹےالزامات لگانے والوں کوسوچنا چاہئے۔


مزید پڑھیں : عوام کی خدمت کے لئے خون پسینہ بہانا اور مٹی کے ساتھ مٹی ہونا پڑتا ہے،وزیراعلیٰ پنجاب


گذشتہ روز بھی وزیراعلیٰ پنجاب شہباز شریف نے میڈیا سے میں عمران خان پرتنقید کرتے ہوئے کہا تھا کہ نیازی صاحب عوام کی عدالت میں جانے سے خوفزدہ ہیں،نیازی صاحب نےعوام کی خدمت کے کھوکھلے نعرے لگائے۔

شہباز شریف کا کہنا تھا کہ عوام کی خدمت کھوکھلے نعروں سے نہیں ہوتی، خدمت کے لئے خون پسینہ بہانا اور مٹی کے ساتھ مٹی ہونا پڑتا ہے، نام نہاد تبدیلی کے دعویداروں نے کے پی کاحلیہ بگاڑ دیا۔

وزیراعلیٰ پنجاب نے کہا تھا کہ دیانتداری سے بے لوث خدمت کو اپنا شعار بنائے رکھا ہے ، عوام کے 2013 کے اعتماد پر پورا اترنے کی کوشش کی، آج ہم عوام کی عدالت میں سرخرو ہیں۔

اس سے قبل بھی ان کا کہنا تھا کہ مسلم لیگ (ن) کی حکومت کے منصوبے شفافیت، تیزرفتاری اور اعلیٰ معیار کی خود گواہی دے رہے ہیں، ہماری حکومت نے عوام کے خون پسینے کی کمائی کو دیانتداری کے ساتھ فلاح عامہ کے منصوبوں پر خرچ کیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں