The news is by your side.

Advertisement

آئندہ سال ملک سے لوڈ شیڈنگ ختم ہوجائے گی، شہباز شریف

لاہور: وزیر اعلیٰ میاں پنجاب شہباز شریف نے ایک بار پھر دعویٰ کیا ہے کہ آئندہ سال ملک سے نہ صرف لوڈ شیڈنگ ختم ہوجائے گی بلکہ وافر مقدار میں‌ بجلی بھی دستیاب ہوگی۔

پوزیشن ہولڈر طلبا کی تقریب تقسیم انعامات سے خطاب کرتے ہوئے وزیر اعلیٰ پنجاب شہباز شریف کا کہنا تھا کہ ’’اگلے سال نہ صرف ملک سے لوڈ شیڈنگ ختم ہوجائے گی بلکہ وافر مقدار میں بجلی کی پیداوار شروع ہوجائے گی‘‘۔

یہ بھی پڑھیں:  مودی کو اقتصادی راہداری ہضم نہیں‌ ہورہی، شہبازشریف

 وزیر اعلیٰ پنجاب کا کہنا تھا کہ ’’آج کے نوجوانوں کو کل ملک کی باگ ڈور سنبھالنی ہے اس کے لیے انہیں دل لگا کر تعلیم حاصل کرنی ہوگی، امتحانات میں پوزیشن حاصل کرنے والے طلبہ کو لیپ ٹاپ تقسیم کرتے ہوئے وزیر اعلیٰ نے کہا کہ حکومت نے طلبہ کو جدید سہولیات فراہم کیں تاکہ ہمارے بچے جدید تعلیم سے آراستہ ہو سکیں۔

مزید پڑھیں: اورنج لائن ٹرین شہبازشریف کا ڈالر بناؤ منصوبہ ہے، چوہدری پرویزالٰہٰی

 انہوں نے کہا کہ شورو غل ملکی مفاد میں نہیں ہے اس لیے تمام جماعتوں کو مل کر ملک کی تعمیر و ترقی کے لیے اپنا کردار ادا کرنا ہوگا،  عمران خان کی جانب سے اورنج لائن منصوبے پر تنقید کے حوالے سے وزیر اعلیٰ نے کہا کہ ’’عوام کے لیے شروع کیے گئے منصوبوں پر وہ لوگ تنقید کرتے ہیں جو خود طیاروں اور ہیلی کاپٹروں میں سفر کرتے ہیں‘‘۔

اس موقع پر وزیر اعلیٰ پنجاب نے آئی ٹی یونیورسٹی کو انڈوومنٹ فنڈ کی مد میں 50 کروڑ روپے دینے کا بھی اعلان کیا۔

Comments

comments

یہ بھی پڑھیں