پیر, جولائی 7, 2025
اشتہار

شہبازشریف کا نواز شریف کوجیل میں پرہیزی کھانا فراہم نہ کرنے پر احتجاج

اشتہار

حیرت انگیز

لاہور : اپوزیشن لیڈر قومی اسمبلی شہبازشریف نے نوازشریف کوجیل میں پرہیزی کھانافراہم نہ کرنے پر احتجاج کرتے ہوئے کہا پرہیزی کھانانہ دیا گیا تو نتائج کی ذمہ داری عمران خان پر ہوگی۔

تفصیلات کے مطابق اپوزیشن لیڈر قومی اسمبلی شہبازشریف نے نوازشریف کوجیل میں پرہیزی کھانافراہم نہ کرنے پر احتجاج کرتے ہوئے مطالبہ کیا ڈاکٹرکی ہدایت کےمطابق پرہیزی کھانافراہم کیاجائے۔

شہبازشریف کا کہنا تھا نوازشریف کوپرہیزی کھانانہ دیاگیاتونتائج کے ذمہ دارعمران خان ہوں گے۔

یاد رہے گذشتہ روز وزیر اعلیٰ پنجاب کے ترجمان شہباز گل نے کہا تھا نوازشریف سزا یافتہ قیدی ہیں، ان سے جیل مینول کے مطابق سلوک ہو گا، نوازشریف واحد شخص ہیں، جن کے لئے 21 کارڈیالوجسٹ مامور ہیں۔

مزید پڑھیں : جاتی امرا سے نواز شریف کے لئے مضر صحت کھانا آرہا تھا، شہباز گل

شہباز گل کا کہنا تھا جاتی امرا سے نواز شریف کے لئے مضر صحت کھانا آرہا تھا، دل کے مریض کو روزانہ مضرصحت گوشت، انڈے کھلائے جارہےتھے، جیل مینول میں گھر سےکھانا منگوانے کی اجازت نہیں ہے۔

انھوں نے کہا تھا کہ حکومت نے نوازشریف کو صحت افزاغذا فراہم کرنے کا فیصلہ کیا، نوازشریف کو صحت افزا کھانا دینے کے لئے ماہرین کا بورڈ تشکیل دیا گیا ہے، بیگم صفدرصحت پرپروپیگنڈےکے ذریعے اپنی سیاست چمکانا چاہتی ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں