شہباز شریف نے غیرملکی تحائف سرکاری خزانے میں جمع نہیں کرائے، رپورٹ -
The news is by your side.

Advertisement

شہباز شریف نے غیرملکی تحائف سرکاری خزانے میں جمع نہیں کرائے، رپورٹ

لاہور : شہبازشریف نے دورہ وزارت اعلیٰ میں ملنے والے تمام غیر ملکی تحائف سرکاری خزانے میں جمع نہیں کرائے، ان میں سے تین قیمتی ترین تحفے وہ اپنے گھر لے گئے۔

تفصیلات کے مطابق حکومت پنجاب کی جانب سے غیر ملکی تحائف سے متعلق رپورٹ صوبائی اسمبلی میں پیش کردی گئی ہے، رپورٹ کے مطابق سابق وزیر اعلیٰ پنجاب شہباز شریف نے تمام غیرملکی تحائف سرکاری خزانے میں جمع نہیں کرائے۔

حکومت پنجاب کی رپورٹ میں کہا گیا ہے کہ سابق وزیراعلیٰ پنجاب میاں شہباز شریف کو سال دوہزار تیرہ سے دوہزار اٹھارہ تک پینتیس غیر ملکی تحائف ملے، ان میں سے تین تحائف انہوں نے اپنے گھر منتقل کردیئے۔

شہباز شریف بھارتی ہائی کمشنر سے ملنے والا چاندی کا برتن، چین سے ملنے والی بیش قیمت گھڑی اور آذربائیجان کے وزیر کی جانب سے ملنے والا اللہ تعالی کے ناموں سے مزین قیمتی قالین اپنے گھر لے گئے، قانون کے مطابق دس ہزار مالیت تک کا تحفہ گھر لے جایا جاسکتا ہے۔

مزید پڑھیں: شہباز شریف بیٹوں کوتحائف کی مدمیں 17کروڑکےذرائع آمدن نہ بتاسکے، نیب رپورٹ

واضح رہے کہ نیب لاہور نے چند روز قبل اپنی تفتیشی رپورٹ میں کہا ہے کہ شہباز شریف دوران تفتیش بیٹوں کو دیئے گئے تحائف کی مد میں17کروڑ روپے کے ذرائع آمدن بھی نہ بتاسکے۔

ان کے اکاؤنٹ میں سال2011سے2017 کے دوران14کروڑ روپے آئے، مسرور انور اور مزمل رضا نامی افراد متعدد بار شریف فیملی کے اکاؤنٹ میں رقوم منتقل کرتے رہے۔

یہ رقوم آشیانہ ہاؤسنگ کے ٹھیکے کے پروسس کے دوران منتقل کی گئی۔ شہباز شریف رقم کی ترسیل کے حوالے سے بھی نیب کو  تسلی بخش جواب نہ دے سکے۔

Comments

comments

یہ بھی پڑھیں