The news is by your side.

Advertisement

شہباز شریف کا نام ایگزٹ کنٹرول لسٹ پر ڈال دیا گیا

اسلام آباد : حکومت نے اپوزیشن لیڈر شہباز شریف کا نام ایگزٹ کنٹرول لسٹ پر ڈال دیا، وفاقی وزیر داخلہ شیخ رشید کا کہنا ہے کہ بحری اور فضائی اداروں کو فیصلے سے آگاہ کردیاگیا ہے۔

تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا ہے کہ شہباز شریف کا نام ایگزٹ کنٹرول لسٹ پر ڈال دیا گیا ہے ، ای سی ایل میں نام کابینہ کی منظوری اور قانونی ضابطے مکمل ہونے پرڈالاگیا، متعلقہ ریکارڈ اس ضمن میں اپ ڈیٹ کر دیا گیا ہے۔

دوسری جانب وفاقی وزیر داخلہ شیخ رشید نے اس حوالے سے اپنے بیان میں کہا ہے کہ شہبازشریف کا نام ای سی ایل پر ڈالاجارہا ہے، بحری اور فضائی اداروں کو فیصلے سے آگاہ کردیا گیا ہے۔

شیخ رشید کا کہنا تھا کہ شہباز شریف کو باہر جانے کی اجازت دینے سے کیس تاخیر کا شکار ہوتا، شریف خاندان کے 5 افراد پہلے ہی مفرور ہیں اور 4 افراد شہبازشریف کیخلاف کیس میں وعدہ معاف گواہ بن چکے ہیں۔

Comments

یہ بھی پڑھیں