حیدرآباد : مہران یونیورسٹی کا پانچ روز سے لاپتہ طالب علم شہبازسومرو کا پتہ چل گیا، مذکورہ طالب علم کراچی میں اپنے ماموں کے گھر رہائش پذیر تھا۔
تفصیلات کے مطابق حیدرآباد کی لیاقت میڈیکل یونیورسٹی کی طالبہ کے بعد مہران یونیورسٹی جامشورو کا طالب علم بھی پراسرار طور پر لاپتہ ہوگیا تھا۔
اہل خانہ کا کہنا تھا کہ شہباز سومرو پانچ روز قبل یونیورسٹی گیا تھا اور واپس نہ لوٹا۔ اب اس واقعے کا ڈراپ سین ہوگیاہے۔ لاپتہ طالب علم شہبازسومرو کا پتہ چل گیاہے۔
Police reveal about where student from… by arynews
میڈیا پر خبر نشر ہونے کے بعد شہباز سومرو کے ایک رشتے دار نے بتایا ہے کہ شہباز اپنے ماموں کے گھر کراچی میں ہے اور اس کا اپنے گھر والوں سے رابطہ بھی ہوگیا ہے۔
مزید پڑھیں : حیدرآباد:مہران یونیورسٹی جامشورو کا طالبعلم پراسرار طور پر لاپتہ
یاد رہے کہ شہباز سومرو حسین آباد کارہائشی ہے، لاپتہ طالب علم کے والد کی درخواست پر پولیس نے رپورٹ بھی درج کرلی تھی، تاہم ابھی یہ معلوم نہیں ہوسکا کہ شہبار سومرو نے پانچ روز تک گھر والوں سے رابطہ کیوں نہیں کیا؟
