The news is by your side.

Advertisement

شاہین آفریدی اور نسیم شاہ کی تباہ کن بولنگ، ویڈیو دیکھیں

لاہور: پاکستان اور آسٹریلیا کے درمیان کھیلے جانے والے تیسرے ٹیسٹ میچ کے دوسرے روز آسٹریلوی ٹیم اپنی پہلی اننگز میں 391 رنز بنا کر آؤٹ ہوگئی۔

لاہور کے قذافی اسٹیڈیم میں کھیلے جارہے تیسرے ٹیسٹ میچ کے دوسرے روز کا کھیل ختم ہوگیا پاکستان نے اپنی پہلی اننگز میں ایک وکٹ کے نقصان پر 91 رنز بنالیے، قومی ٹیم کو آسٹریلیا کی برتری ختم کرنے کے لیے مزید 301 رنز درکار ہیں۔

آسٹریلیا کے خلاف قومی ٹیم کے نوجوان فاسٹ بولر شاہین شاہ آفریدی اور نسیم شاہ نے چار، چار وکٹیں حاصل کیں۔

شاہین آفریدی نے اوپنر ڈیوڈ وارنر کو 7 رنز پر ایل بی ڈبلیو آؤٹ کیا، فاسٹ بولر نے مارنوس لبوشین کو بھی بغیر کوئی رن بنائے رضوان کے ہاتھوں کیچ آؤٹ کروایا۔

مچل اسٹارک بھی 13 رنز بنا کر شاہین شاہ آفریدی کا نشانہ بنے، مچل سوئپسن کو 9 رنز پر شاہین آفریدی نے کلین بولڈ کیا۔

دوسری جانب فاسٹ بولر نسیم شاہ نے بھی شاہین آفریدی کا خوب ساتھ دیا اور چار آسٹریلوی کھلاڑیوں کو پویلین کی راہ دکھائی۔

نسیم شاہ نے کیمرون گرین، اسٹیو اسمتھ، نیتھن لائن اور ٹریوس ہیڈ کی وکٹیں حاصل کیں۔

Comments

یہ بھی پڑھیں