The news is by your side.

Advertisement

شاہین آفریدی کا کاؤنٹی چھوڑ کر وطن واپسی کا فیصلہ

لاہور: کاؤنٹی کرکٹ میں مڈل سیکس کی نمائندگی کرنے والے قومی ٹیم کے فاسٹ بولر شاہین آفریدی وطن واپسی کا فیصلہ کرلیا۔

ذرائع کے مطابق مڈل سیکس کاؤنٹی کی نمائندگی کرنے والے فاسٹ بولر شاہین شاہ آفریدی نے ویسٹ انڈیز کے خلاف سیریز کے لیے فوری وطن واپسی کا فیصلہ کیا ہے۔

لیفٹ آرم پیسر لندن سے ایک دو روز میں واپس وطن پہنچ رہے ہیں جس کے بعد وہ چند دن اہل خانہ کے ساتھ گزارنے کے بعد ویسٹ انڈیز کے خلاف سیریز کے لیے لگائے جا رہے تربیتی کیمپ میں حصہ لیں گے۔

شاہین آفریدی نے کاؤنٹی میں تباہی مچا دی

مڈل سیکس کاؤنٹی نے شاہین شاہ آفریدی کی قومی ڈیوٹی کے لیے وطن واپسی کے فیصلے کا احترام کرتے ہوئے کاؤنٹی کے لیے ان کی خدمات کو سراہا ہے۔

مڈل سیکس نے اس یقین کا بھی اظہار کیا ہے کہ شاہین جون میں دوبارہ میچز کے لیے دستیاب ہوں گے۔

واضح رہے کہ پاکستان اور ویسٹ انڈیز کے درمیان تین ون ڈے میچز کی سیریز 8، 10 اور 12 جون کو راولپنڈی میں کھیلی جائے گی۔

Comments

یہ بھی پڑھیں