کراچی: قومی ٹیم کے فاسٹ بولر شاہین شاہ آفریدی نے ٹی 20 کرکٹ میں بھارتی فاسٹ بولر جسپریت بمرا کو پیچھے چھوڑ دیا۔
تفصیلات کے مطابق قومی ٹیم کے فاسٹ بولر اور پی ایس ایل میں لاہور قلندرز کی نمائندگی کرنے والے شاہین شاہ آفریدی ٹی 20 میں وکٹوں کی سنچری مکمل کرنے والے کم عمر بولر کا اعزاز حاصل کرلیا۔
شاہین شاہ آفریدی نے بھارت کے جسپریت بمرا سے ٹی 20 وکٹوں کی سنچری مکمل کرنے والے کم عمر بولر کا اعزاز چھین لیا۔
شاہین آفریدی نے یہ سنگ میل 20 برس اور 326 دن کی عمر میں عبور کیا۔
انیس برس کی عمر میں ٹی 20 ڈیبیو کرنے والے بمرا نے اس طرز کی کرکٹ میں 100 وکٹیں 23 برس اور 57 دن کی عمر میں مکمل کرلی تھیں۔
واضح رہے کہ شاہین شاہ آفریدی نے 2018 میں انٹرنیشنل ڈیبیو کیا تھا جس کے بعد سے وہ مسلسل قومی ٹیم کا حصہ ہیں۔
