پی ایس ایل میں اپنے داماد شاہین شاہ آفریدی کی کامیابی کے بعد شاہد آفریدی کی ٹیم نے بھی قطر میں ہونے والی لیگ میں فتح اپنے نام کرلی۔
قطر میں ہونے والی لیجنڈز لیگ کرکٹ کے فائنل میں شاہد آفریدی کی ٹیم ایشیا لائنز نے ورلڈ جائنٹز کو 7وکٹوں کے شکست دے کر دوسری لیجنڈز لیگ کرکٹ کی ٹرافی اٹھالی۔
ورلڈ جائنٹز نے پہلے کھیلتے ہوئے مقررہ اوورز میں 4 وکٹوں کے نقصان پر 147 رنز بنائے جو شاہد آفریدی کی ایشیا لائنز نے 3 وکٹوں کے نقصان پر پورے کر لیے۔
Ladies and Gentlemen, we present to you the Ultimate Champion of LLCMasters Season 2! 🦁🎉🎉
A roaring demonstration by the @AsiaLionsLLC who showed today how to conquer and rule the Legends League Cricket! #LegendsLeagueCricket #SkyexchnetLLCMasters #LLCT20 #YahanSabBossHain pic.twitter.com/NXAUkiZIsV
— Legends League Cricket (@llct20) March 20, 2023
بنگلا دیش سے تعلق رکھنے والے اسپنر عبدالرزاق کو شاندار بولنگ پرفارمنس پر میچ کا بہترین کھلاڑی قرار دیا گیا، انہوں نے 4 اوورز میں صرف 14 رنز دیکر دو کھلاڑیوں کو آؤٹ کیا۔
یاد رہے کہ دو روز قبل شاہین شاہ آفریدی کی قیادت میں لاہور قلندرز نے پاکستان سپر لیگ (پی ایس ایل) کے آٹھویں ایڈیشن کے فائنل میں ملتان سلطانز کو ایک رن سے شکست دیکر ٹرافی اپنے نام کی تھی۔
