The news is by your side.

Advertisement

شاہد آفریدی میں کورونا وائرس کی تشخیص

لاہور : قومی کرکٹ ٹیم کے سابق کپتان شاہد خان آفریدی کورونا وائرس کا شکار ہوگئے ، انھوں نے قوم سےدعاؤں کی درخواست کی ہے۔

تفصیلات کے مطابق قومی کرکٹ ٹیم کے سابق کپتان شاہد آفریدی میں کوروناوائرس کی تشخیص ہوگئی، شاہدآفریدی نے سماجی رابطے کی ویب سائٹ ٹوئٹر پر اس بات کی تصدیق کرتے ہوئے کہا جمعرات سےطبیعت خراب تھی،ٹیسٹ کرانے پر کورونا مثبت آیا۔

شاہد آفریدی نے جلد صحتیابی کیلئے قوم سےدعاؤں کی درخواست بھی کی۔

یاد رہے ے آر وائی نیوز کے پروگرام آف دی ریکارڈ میں میزبان کاشف عباسی سے ٹیلیفونک گفتگو میں شاہد آفریدی نے عوام سے ضرورت مندوں کے لیے امداد کی اپیل کرتے ہوئے کہا تھا کہ اس مشکل وقت میں سب کو مل کر مستحقین کی مدد کرنا ہوگی۔

شاہد آفریدی کا کہنا تھا کہ کہ حکومت کس کی ہے یہ نہ سوچیں، اس بات کو چھوڑ دیں کیونکہ 80 فیصد آبادی ایسی ہے جو یومیہ کماتی اور کھاتی ہے، ان سب لوگوں کی دیکھ بھال کرنا حکومت کے بس کی بات نہیں، حکومت کا ساتھ دیں اور تمام این جی اوز، سماجی تنظیم باہر نکلیں اور ضرورت مندوں کا سہارا بنیں۔

انہوں نے تجویز دی تھی کہ حکومت کچھ خاندانوں کو مختص کر دے جنہیں لوگ خود امداد پہنچائیں، ایسےسسٹم بنایاجائےکہ کوئی مستحق راشن یامددکے بغیرنہ رہ جائے اس لیے یہ اچھاسسٹم ہوگا کہ فیملیز دے دی جائیں آپ ان کی مدد کریں۔

شاہد آفریدی کا مزید کہنا تھا کہ میں صرف اللہ سے مانگتا ہوں اور خلق خدا کے لیے مانگتا ہوں، کراچی کے مختلف علاقوں میں دو دو ہفتےکاراشن تقسیم کرچکاہوں اور اب افغان مہاجرین کی بڑی تعداد موجود جو ضرورت مند ہے، انہیں راشن تقسیم کرنے جا رہا ہوں۔

Comments

یہ بھی پڑھیں