پوری قوم کی نظریں آپ اور آپ کی ٹیم پر ہیں: شاہد آفریدی کا عمران خان کے لیے ٹویٹ -
The news is by your side.

Advertisement

پوری قوم کی نظریں آپ اور آپ کی ٹیم پر ہیں: شاہد آفریدی کا عمران خان کے لیے ٹویٹ

کراچی: قومی کرکٹ ٹیم کے سابق کپتان شاہد آفریدی نے ٹویٹ کے ذریعے وزیرِ اعظم عمران خان کو مبارک باد دیتے ہوئے کہا کہ پوری قوم کی نگاہیں آپ اور آپ کی ٹیم پر مرکوز ہیں۔

تفصیلات کے مطابق سابق آل راؤنڈر اور جارحانہ بیٹنگ کے لیے مشہور بلّے باز شاہد آفریدی نے سماجی رابطے کی ویب سائٹ ٹویٹر پر عمران خان کو وزیرِ اعظم بننے کی مبارک باد دی۔

شاہد خان آفریدی نے وزیرِ اعظم عمران خان کو مخاطب کرتے ہوئے کہا ’پورا پاکستان آپ اور آپ کی ٹیم کی طرف دیکھ رہا ہے۔‘

انھوں نے ٹویٹ کرتے ہوئے امید ظاہر کی کہ کپتان عمران خان کی ٹیم آنے والی نسلوں کے لیے پاکستان کو ایک بہتر ملک بنانے کے لیے عمران خان کے خواب اور ان کی سوچ پر عمل پیرا ہوگی۔

اسٹار کرکٹر شاہد آفریدی نے عمران خان کی وزارتِ عظمیٰ کے لیے نیک تمناؤں کا اظہار کیا، ان کا کہنا تھا کہ قوم کی نگاہیں عمران خان پر مرکوز ہیں جو ملک کو ترقی کے راستے پر گام زن کریں گے۔


وزیراعظم کی سابق کرکٹرزسے ملاقات، کرکٹ کا ڈھانچہ بدلنے کا عندیہ


واضح رہے کہ آج وزارتِ عظمیٰ کا حلف لینے کے بعد وزیرِ اعظم عمران خان سے ان کے دفتر میں قومی کرکٹ ٹیم کے موجودہ اور سابق کھلاڑیوں نے ملاقات کی، بھارت سے نوجوت سنگھ سدھو نے ملاقات کے دوران ان کو شال کا تحفہ پیش کیا۔

کھلاڑیوں سے ملاقات کے موقع پر وزیرِ اعظم نے کہا کہ ملک میں کرکٹ کا ڈھانچا بدلنے کے لیے اہم فیصلے کیے جائیں گے، پرانے اور تجربہ کار کھلاڑیوں کو ذمہ داریاں دی جائیں گی۔

Comments

comments

یہ بھی پڑھیں