کولمبو : لنکن پریمیئر لیگ کے دوران قومی کرکٹر محمد عامر سے تلخ کلامی کرنے افغان کرکٹر کو شاہد آفریدی نے کھری کھری سنا دی۔
قومی کرکٹر محمد عامر سے تلخ کلامی کا واقعہ سری لنکا میں جاری لنکن پریمیئر لیگ کے دوران اس وقت پیش آیا جب کینڈی ٹسکرز کے افغانی بولر نے گال گلیڈی ایٹرز کی جانب سے کھیلنے والے محمد عامر پر طنز کیا۔
میچ ختم ہوتے ہی دونوں کھلاڑیوں کے درمیان تلخ جملوں کا تبادلہ ہوا تاہم آمنے سامنے آنے پر دیگر کھلاڑیوں اور امپائر نے دونوں کو دور کیا اور معاملہ ختم کروایا۔
میچ کے بعد دونوں ٹیمیں آپس میں مصافحہ کرنے لگیں تو نوین الحق کے قریب آنے پر شاہد آفریدی کی مسکراہٹ غصے میں تبدیل ہوگئی اور آفریدی نے نوین الحق کو غورتے ہوئے کچھ کہا جس پر افغان کھلاڑی خاموشی سے آگے بڑھ گیا۔
شاہد آفریدی نے افغان کھلاڑی کی محمد عامر سے تلخ کلامی سے متعلق ٹوئٹ کرتے ہوئے کہا کہ ’میں نوجوان کھلاڑیوں کو ایک مشورہ دوں گا کہ آرام سے گیم کھیں کھیلیں اور بدکلامی سے پرہیز کریں‘۔
My advise to the young player was simple, play the game and don’t indulge in abusive talk. I have friends in Afghanistan team and we have very cordial relations. Respect for teammates and opponents is the basic spirit of the game. https://t.co/LlVzsfHDEQ
— Shahid Afridi (@SAfridiOfficial) December 1, 2020
شاہد آفریدی نے کہا کہ افغانستان کرکٹ ٹیم میں میرے بہت سے دوست ہیں اور ہمارے تعلقات بھی خوشگوار ہیں، ساتھی کھلاڑیوں اور حریف ٹیم کی عزت کرنا کھیل کا بنیادی اصول ہے‘۔
