پاکستان کرکٹ ٹیم کے سابق کپتان شاہد آفریدی کی قیادت میں ایشیا لائنز نے لیجنڈز لیگ کرکٹ 2023 کا ٹائٹل اپنے نام کیا۔
ایشیا لائنز کی جانب سے سابق سریلنکن بیٹر اپل تھرنگا اور تلکارتنے دلشان کی نصف سنچریوں کی بدولت ٹیم جائنٹس کو 7 وکٹ اور 23 گیندوں سے شکست دی۔
دوسری بار لیجنڈر لیگ کی ٹرافی اٹھانے کے بعد شاہد آفریدی نے افغانستان کے سابق کپتان اصغر افغان کو ٹرافی پکڑائی اور کہا کہ یہ ٹرافی میں اصغر کو دیتا ہوں۔
Congratulations!
The Asian Lions have won the Legends League 2023. I wholeheartedly Thank the Captain and all the Legendary Players of the Asian Lions for dedicating the championship trophy to Afghanistan 🏆 🙏 @SAfridiOfficial @shoaib100mph @captainmisbahpk @MHafeez22… pic.twitter.com/bujPScAl3T— Asghar Afghan (@MAsgharAfghan) March 20, 2023
ایشیا لائنز کے کپتان شاہد آفریدی نے کہا کہ الحمد اللہ ہم نے یہ ٹرافی تمام کھلاڑیوں کی کوشش کی وجہ سے جیت لیا ہے، یہ ٹرافی خاص طور پر اصغر کو دے رہا ہوں۔
انہوں نے کہا کہ اصغر کو ٹرافی دینے کا مقصد یہ ٹرافی ہم سب کی طرف سے افغانستان کے لوگوں کے لیے ہے، جس کے بعد سابق کپتان اصغر افغان نے تحفہ قبول کیا۔
