قومی ٹیم کے سابق کپتان شاہد خان آفریدی پاکستان کرکٹ بورڈ مینجمنٹ کمیٹی سے مستعفی ہوگئے۔
اے آر وائی نیوز کے مطابق شاہد آفریدی پی سی بی کی نئی مینجمنٹ کمیٹی کا حصہ تھے تاہم اب انہوں نے کرکٹ بورڈ مینجمنٹ کمیٹی سے مستعفی ہونے کا اعلان کردیا ہے۔
واضح رہے کہ شاہد خان آفریدی نیوزی لینڈ کے خلاف سیریز میں چیف سلیکٹر تھے۔
یہ پڑھیں: شاہد آفریدی نے پی سی بی سلیکشن کمیٹی سے معذرت کرلی
واضح رہے کہ شاہد آفریدی کو نیوزی لینڈ کے خلاف ہوم سیریز کے لیے عبوری سلیکشن کمیٹی کا حصہ تھے۔
پاکستان کرکٹ بورڈ اور پی سی بی مینجمنٹ کمیٹی کے چیئرمین نجم سیٹھی نےعبوری سلیکشن کمیٹی کا اعلان کیا تھا عبوری سلیکشن کمیٹی کے چیئرمین شاہد آفریدی تھے جب کہ عبد الرزاق، راؤ افتخار رکن اور ہارون رشید کنوینر ہیں جبکہ ثنا میر نے بھی مصروفیات کے باعث معذرت کرلی تھی۔
