تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

جیمز فالکنر کے الزامات پر آفریدی کا ردعمل

کراچی: قومی ٹیم کے سابق کپتان شاہد خان آفریدی کا جیمز فالکنر کے الزامات اور وطن روانگی پر ردعمل آگیا۔

پی ایس ایل 7 میں کوئٹہ گلیڈی ایٹرز کے آسٹریلوی کھلاڑی جیمز فالکنر نے ہوٹل میں نشے کی حالت میں توڑ پھوڑ کی اور معاوضے کی عدم ادائیگی کا الزام عائد کرتے ہوئے لیگ چھوڑ کر وطن روانہ ہوگئے۔

جیمز فالکنر کے الزامات کی پاکستان کرکٹ بورڈ کی جانب سے تردید کی گئی اور آئندہ پی ایس ایل میں شمولیت پر پابندی عائد کردی۔

آسٹریلوی کھلاڑی کے رویے پر سابق کرکٹرز نے تنقید کی، قومی ٹیم کے سابق کپتان شاہد آفریدی نے بھی فالکنر کے رویے پر پیغام شیئر کیا۔

شاہد آفریدی نے لکھا کہ ’جیمز فالکنر کے الزامات سے مایوسی ہوئی انہوں نے بے بنیاد الزامات لگا کر پاکستان کی مہمان نوازی اور انتظامات کو نشانہ بنایا۔

آفریدی نے لکھا کہ ’ہماری ادائیگیوں میں کبھی بھی تاخیر نہیں ہوئی، کسی کو بھی کرکٹ اور پی ایس ایل کو داغدار کرنے کی اجازت نہیں ہونی چاہیے۔

مزید پڑھیں: جیمز فالکنر کی پی ایس ایل میں شمولیت پر پابندی عائد

واضح رہے کہ پی ایس ایل 7 میں شاہد آفریدی بھی کوئٹہ گلیڈی ایٹرز کی نمائندگی کررہے تھے، گزشتہ دنوں انجری کی وجہ وہ پی ایس ایل سے دستبردار ہوگئے تھے۔

Comments

- Advertisement -