قومی ٹیم کے سابق چیف سلیکٹر شاہد آفریدی نے پی سی بی مینجمنٹ کمیٹی کے سربراہ نجم سیٹھی کے بیان پر ردعمل دے دیا۔
اے آر وائی نیوز کے مطابق قومی ٹیم کے سابق کپتان شاہد آفریدی نے نجم سیٹھی کے ٹوئٹ پر جواب دیتے ہوئے کہا کہ نجم سیٹھی میرا نام لیں گے تو ردعمل دوں گا۔
شاہد آفریدی نے کہا کہ کپتان بنانا یا ہٹانا چیئرمین کا اختیار ہے سلیکشن کمیشن کا نہیں۔
واضح رہے کہ نجم سیٹھی کا کہنا تھا کہ شاہد آفریدی اور ہارون رشید نے قیادت میں تبدیلی کیا مشورہ دیا تھا تاہم بعد میں سلیکٹرز نے بابر کو ہی کپتان برقرار رکھنے کا کہا۔
1/3 For months media and cricketing circles have been discussing pros and cons of retaining Babar Azam as captain in all formats of the game. Since this decision is ultimately Chairman’s, I have sought views of Selection Committees headed by Shahid Afridi and now Haroon Rashid.
— Najam Sethi (@najamsethi) April 10, 2023
اس سے قبل ٹوئٹ میں نجم سیٹھی کا کہنا تھا کہ کئی ماہ سے میڈیا، کرکٹ کے حلقے بابر کو کپتان برقرار رکھنے پر بحث کر رہے ہیں۔ بابر اعظم ہی کپتان رہیں گے، ہمیں انہیں سپورٹ کرنا چاہیے۔
ان کا کہنا تھا کہ قومی ٹیم کے مفاد میں معاملے کو متنازع نہ بنائیں۔ فیصلہ بالآخر چیئرمین کا ہے، کپتانی پر سلیکشن کمیٹیوں کی آرا مانگی ہیں۔ میرا فیصلہ ٹیم کی کامیابی یا ناکامی سے مشروط ہوگا۔
