کراچی: پی ایس ایل فائیو کے دوسرے ایلیمینٹر میں لاہور قلندرز کے فاسٹ بولر حارث رؤف کی یارکر پر بولڈ ہونے پر شاہد آفریدی کا بیان سامنے آگیا۔
تفصیلات کے مطابق پی ایس ایل فائیو میں ملتان سلطانز کی نمائندگی کرنے والے اسٹار آل راؤنڈر شاہد آفریدی نے سماجی رابطے کی ویب سائٹ ٹویٹر پر حارث رؤف کی بولنگ کی تعریف کی۔
شاہد آفریدی نے لکھا کہ ’حارث رؤف نے بہت ہی اچھی اور نہ سمجھ آنے والی یارکر کرائی، میچ میں حارث نے اچھی بولنگ کی۔
شاہد آفریدی نے ازراہ مذاق کہا کہ ’حارث پلیز مجھے آئندہ آہستہ گیند کروانا۔‘
It was a great and unplayable yorker Haris very well bowled! Please bowl slow to me next time 😜 congratulations to Qalandars for final berth. Look forward to an exciting match tomorrow. Thank you Sultans fans for supporting us throughout the season. https://t.co/GySOxr43ov
— Shahid Afridi (@SAfridiOfficial) November 16, 2020
اسٹار آل راؤنڈر نے لاہور قلندرز کو فائنل میں پہنچنے پر مبارک باد پیش کرتے ہوئے کہا کہ شائقین کرکٹ کل ایک دلچسپ میچ دیکھنے کا انتظار کریں۔
شاہد آفریدی نے پی ایس ایل فائیو میں ملتان سلطانز کی ٹیم کو سپورٹ کرنے والے شائقین کا شکریہ ادا کیا۔
واضح رہے کہ گزشتہ روز فاسٹ بولر حارث رؤف نے شاہد آفریدی کی پہلی گیند پر کلین بولڈ کرکے معافی مانگی تھی جس کی ویڈیو سوشل میڈیا پر وائرل ہوگئی تھی۔
you know when bowler gets you out on golden duck and apologies for it instead of chest thumping, you know you have done enough to earn resepct all around the world, Shahid Afridi was more than a cricketer, a Brand, A Hero!! Maybe his last PSL match pic.twitter.com/nbsm5YIG7Q
— Ali (@AleyFarooq_) November 15, 2020
حارث رؤف کا کہنا تھا کہ ’شاہد آفریدی سینئر ہیں، پہلے سے سوچا ہوا تھا اگر آفریدی کو آؤٹ کیا تو روایتی جشن نہیں مناؤں گا۔