پاکستان کرکٹ ٹیم کے سابق کپتان شاہد خان آفریدی نے بنگلہ دیشی کرکٹ بورڈ کے صدر محمد فاروق کو خط لکھ دیا ہے۔
پاکستان کرکٹ ٹیم کے سابق کپتان شاہد خان آفریدی نے بنگلہ دیش کرکٹ بورڈ کے صدر محمد فاروق کو خط لکھا ہے جس کی وجہ بنگلہ دیش پریمیئر لیگ (بی پی ایل) ہے۔
بنگلہ دیش پریمیئر لیگ جو اپنے کھیل سے زیادہ بد انتظامی اور کھلاڑیوں کو
معاوضوں کی عدم ادائیگی کی وجہ سے خبروں کی زینت بنی ہوئی ہے۔ پاکستان کرکٹ ٹیم کے سابق کپتان شاہد خان آفریدی بھی ان افراد میں شامل ہیں جنہیں بی پی ایل کی جانب سے معاوضہ ادا نہیں کیا گیا ہے۔
شاہد آفریدی جنہوں نے بی پی ایل کے حالیہ ایڈیشن میں چٹاگانگ ٹائیگرز کے مینٹور کی ذمہ داریاں ادا کی تھیں، وہ بھی تاحال اپنا معاوضہ ملنے کے منتظر ہیں۔
سابق اسٹار آل راؤنڈر نے اس حوالے سے بنگلہ دیش کرکٹ بورڈ سے رابطہ کیا ہے اور بی سی بی کے صدر محمد فاروق کو ایک خط لکھا ہے۔
اس خط میں شاہد آفریدی نے بی سی بی کے صدر کو آگاہ کیا ہے کہ بی پی ایل کی ایک فرنچائز نے انہیں حالیہ سیزن کے لیے منٹور بنایا تھا تاہم اس کا معاوضہ ادا نہیں کیا گیا ہے۔
واضح رہے کہ گزشتہ ماہ جنوری کے شروع میں بنگلادیش کرکٹ بورڈ نے بی پی ایل میں شریک تمام پلیئرز کو معاوضوں کی یقین دہانی کروائی تھی، تاہم پاکستان سمیت کئی ممالک کے کھلاڑی تاحال معاوضوں سے محروم ہیں۔
ان میں پاکستان شاہئینز کے کپتان محمد حارث بھی شامل تھے۔ بی پی ایل میں ٹیم دربار راج شاہی کی نمائندگی کرنے والے محمد حارث سمیت دیگر غیر ملکی کھلاڑیوں کو ٹیم کی جانب سے واپسی کے ٹکٹ سمیت مہمان کھلاڑیوں کو معاوضہ ادا نہیں کیا تھا۔ معاوضہ نہ ملنے کی وجہ سے انہیں دو دن اضافی ہوٹل میں قیام کرنا پڑا تھا۔
بی پی ایل کھیلنے والے پاکستانی کرکٹر محمد حارث بنگلہ دیش میں پھنس گئے
