بوم بوم آفریدی نے بھارت کے خلاف ٹی ٹوئنٹی کے سب سے بڑے مقابلے میں پاکستان ٹیم کے لیے نیک خواہشات کا اظہار کیا ہے۔
ٹوئٹر پر جاری بیان میں شاہد آفریدی نے کہا کہ پاکستان ٹیم بھارت سے ورلڈکپ کا باقائدہ آغاز کرنے جارہی ہے اميد ہےاچھی اور نڈر کرکٹ ديکھنے کو ملے گی۔
شاہدآفریدی نے کہا کہ تمام دعائيں اور نيک خواہشات پاکستان ٹیم کیساتھ ہيں پوری قوم آپکی جيت کے ليے دعاگو ہے۔
ٹی ٹوئنٹی ورلڈکپ کا سب سے بڑا مقابلہ آج دبئی انٹرنیشنل اسٹیڈیم میں ہوگا، جہاں روایتی حریف پاکستان اور بھارت مد مقابل ہونگے، میچ پاکستان وقت کے مطابق شام سات بجے شروع ہوگا۔
ميری تمام تر دعائيں اور نيک خواہشات پاکستان کے ساتھ ہيں جو کہ آج اپنے #PakVsInd کے میچ سے ورلڈکپ کے میچز کا باقائدہ آغاز کرنے جا رہے ہيں۔ اميد کرتا ہوں کہ ہميں اچھی اور نڈر کرکٹ ديکھنے کو ملے گی۔ پوری قوم آپکی جيت کے ليے دعاگو ہے PakistanZindabad# pic.twitter.com/kF3mmEj15N
— Shahid Afridi (@SAfridiOfficial) October 24, 2021
پاکستان اور بھارت سمیت دنیا بھر کے کروڑوں کرکٹ شائقین اس میچ کا شدت سے انتظار کررہے ہیں اہم مقابلے کے لیے بڑے انتظامات کیے گئے ہیں۔ دونوں ٹیمیں میدان میں پہنچ چکی ہیں اور وارم اپ شروع کر دیا ہے۔
پا کستان کی 12 رکنی ٹیم کا اعلان
آئی سی سی ٹی 20 ورلڈ کپ 2021 میں بھارت کے خلاف میچ کے لیے پاکستان کی 12 رکنی ٹیم کا اعلان کیا جاچکا ہے، ٹیم کے کپتان بابر اعظم ہوں گے جبکہ محمد رضوان، فخر زمان، شعیب ملک، محمد حفیظ، عماد وسیم، شاہین آفریدی،حسن علی،حارث روؤف، شاداب خان، آصف علی اور حیدر علی ٹیم میں شامل ہوں گے۔
کپتان بابر اعظم کا کہنا تھا کہ پلیئنگ الیون کا فیصلہ میچ سے پہلے کریں گے۔