بالی ووڈ اداکار شاہد کپور سیف علی خان کی فلم کاک ٹیل کے سیکوئل میں مرکزی کردار نبھائیں گے۔
کاک ٹیل 2012 میں ریلیز ہوئی تو اس فلم کو منفرد نکتہ نظر اور کاسٹ جن میں سیف علی خان، دپیکا پڈوکون اور ڈیانا پینٹی شامل تھیں اسے باکس آفس پر زبردست پذیرائی ملی۔
کاک ٹیل میں سیف علی خان، ڈیانا پینٹی، دپیکا پڈوکون کے علاوہ رندیپ ہدا، بومن ایرانی اور ڈمپل کپاڈیا نے بھی معاون کردار ادا کیے تھے۔
فلم کے پرستار اکثر سوچتے ہیں کہ کیا اس کا سیکوئل ہوگا؟
اگر حالیہ رپورٹس پر یقین کیا جائے تو کاک ٹیل 2 پر کام جاری ہے جس میں شاہد کپور مرکزی کردار میں ہیں، ہومی ادجانیا جنہوں نے 2012 کی فلم کی ہدایت کاری کی اور انہوں نے شاہد کی آخری ریلیز ’تیری باتوں میں ایسا الجھا جیا‘ ڈائریکشن دی تھی، توقع کی جارہی ہے کہ اس فلم کے ہدایت کار ہوں گے۔
دنیش وجن اور ہومی اڈجانیا برسوں سے کاک ٹیل کے سیکوئل پر کام کررہے ہیں جس میں نیا بیانیہ پیش کیا گیا ہے، شاہد کو بھی یہ فلم پسند ہے اور ان کے علاوہ کئی معروف نوجوان اداکاراؤں کے ساتھ بات چیت جاری ہے۔
شاہد کپور سے توقع ہے کہ وہ وشال بھردواج کی ایکشن تھرلر فلم کی شوٹنگ کے بعد کاک ٹیل 2 کی شوٹنگ کریں گے جو اس سال دسمبر میں پروڈکشن میں جائے گی۔
اس فلم کے لیے شاہد سات سال بعد وشال کے ساتھ دوبارہ جلوہ گر ہوں گے، اداکار اور ہدایت کار جوڑی اس سے قبل حیدر، کمینے اور رنگون جیسی فلموں میں کام کر چکی ہے۔
شاہد کپور نے حال ہی میں روشن اینڈریوز کی دیوا کی شوٹنگ بھی مکمل کی ہے، جو ممکنہ طور پر ویلنٹائن ڈے میں سنیما گھروں کی زینت بنے گی۔
