’ہماری حکومت جتنا عرصہ رہے گی عمران خان سے 10 گنا زیادہ کام کرے گی‘

پاکستان مسلم لیگ ن کے رہنما شاہد خاقان عباسی نے دعویٰ کرتے ہوئے کہا ہے کہ ہماری حکومت جتنا عرصہ بھی رہی عمران خان سے 10 گنا زیادہ کام کرے گی۔

تفصیلات کے مطابق پاکستان مسلم لیگ ن کے رہنما اور سابق وزیر اعظم شاہد خاقان عباسی نے اے آر وائی نیوز کی خصوصی نشریات میں شرکت کی، انہوں نے کہا کہ صدر اور وزیر اعظم کے پاس بہت اختیارات ہیں اور وہ اختیارات انہیں آئین نے دیے ہیں۔

سابق وزیر اعظم کا کہنا تھا کہ کوئی آئین نہیں توڑ سکتا۔

انہوں نے کہا کہ وزیر اعظم کو عوام کے ووٹوں سے گھر جانا چاہیئے، اس میں بھی ان کے لیے وقار کا مقام ہے۔

شاہد خاقان عباسی کا کہنا تھا کہ کوئی بیرونی سازش نہیں، یہ عوام کی سازش ہے، عوام تنگ آچکی ہے، ہماری حکومت جتنا عرصہ بھی رہی عمران خان سے 10 گنا زیادہ ڈیلیور کرے گی۔

انہوں نے عمران خان کی حکومت کو ناکام حکومت قرار دیا۔

Comments