لاہور: مسلم لیگ (ن) کے سینئر رہنما شاہد خاقان عباسی نے ایک بار پھر پارٹی چھوڑنے کی خبروں کی تردید کردی۔
لاہور میں میڈیا سے گفتگو کرتے ہوئے شاہد خاقان عباسی نے کہا کہ احتساب کا سرکس جاری ہے، فواد حسن فواد کے انٹرویو کے بعد موجود چیرمین دیکھیں، اس وقت نیب کے احتساب کی ضرورت ہے۔
انہوں نے مزید کہا کہ میں مسلم لیگ میں ہوں کہیں نہیں جارہا، میاں صاحب علاج کراکر آئیں گے۔
سینئر رہنما شاہد خاقان عباسی نے کہا کہ فواد حسن فواد کیخلاف جھوٹا مقدمہ بنایا گیا، اب جسٹس ریٹائرڈ جاوید اقبال کو حساب دینا پڑے گا۔
پارٹی عہدے سے مستعفی ہوا پارٹی سے نہیں، شاہد خاقان عباسی
انہوں نے کہا کہ جب تک نیب کو ختم نہیں کریں گے حکومت نہیں چلے گی، جاوید اقبال رو رو کرکہتے ہیں مجھ سے حکومت کراتی تھی، نیب کو سیاست دانوں کو توڑنے کے لیے استعمال کریں گے تو قیمت عوام ادا کریں گے، جاوید اقبال یہ بتائیں ان سے کس نے مقدمات درج کروائے۔
شاہد خاقان عباسی کا کہنا تھا کہ عمران خان کہتا ہے یہ میں نہیں کرتا تھا جنرل باجوہ کرتے تھے، جنرل باجوہ کہتے ہیں میں نہیں کرتا تھا۔
شاہد خاقان عباسی کا مزید کہنا تھا کہ میرے مقدمے پر چھ ماہ سے یہ بحث ہورہی ہے کہ قانون کیا ہے، مجھے میرا جرم بتا دیں کیا نیب پراسیکیوٹر کو قانون کا علم نہیں ہے۔
