The news is by your side.

Advertisement

بھارتی کمپنیوں کےساتھ مبینہ تعلقات، زلفی بخاری کا شاہد خاقان عباسی سے وضاحت کا مطالبہ

اسلام آباد : معاون خصوصی زلفی بخاری نے سابق وزیراعظم شاہد خاقان عباسی سے بھارتی کمپنیوں کےساتھ مبینہ تعلقات سے متعلق وضاحت دینے کا مطالبہ کردیا۔

تفصیلات کے مطابق سابق وزیراعظم شاہد خاقان عباسی کے بھارتی کمپنیوں کےساتھ مبینہ تعلقات سامنے آنے کے بعد معاون خصوصی زلفی بخاری نے سماجی رابطے کی ویب سائٹ ٹوئٹر پر اے آروائی نیوزکےپروگرام دی رپورٹرزکاکلپ شیئر کرتے ہوئے شاہد خاقان سےوضاحت کامطالبہ کر دیا۔

زلفی بخاری نے کہا ن لیگ کی بڑی لوٹ مار کرنیوالوں کونوازنےکی روایت رہی ہے، شاہدخاقان بتائیں بھارتی کمپنیوں کیساتھ ان کا کیا کاروبار تھا؟ شاہد خاقان بتائیں کیسےانہیں وزیر اعظم بننے کا صلہ ملا؟

یاد رہے ایل این جی اسکینڈل میں سابق وزیراعظم شاہدخاقان کےخلاف دائرضمنی ریفرنس میں نئےانکشافات سامنے آئے تھے ، ریفرنس میں بتایا گیا تھا کہ شاہدخاقان یواےای میں قائم ٹرینٹی کمپنی سے پیسےوصول کرتے رہے، کمپنی بھارت میں قائم سدھارت پرائیویٹ لمیٹڈ کےساتھ کام کرتی ہے۔

Comments

یہ بھی پڑھیں