ملتان سلطانز کے شاہ نواز دھانی پاکستان سپر لیگ کے چھٹے ایڈیشن میں اب تک سب سے زیادہ وکٹیں لینے والے بولربن گئے۔
ملتان سلطانز کے نوجوان فاسٹ بولر شاہ نواز دھانی نے لاہور قلندرز کے خلاف میچ میں چار کھلاڑیوں کو آؤٹ کیا جس کے ساتھ ان کی وکٹوں کی تعداد 17 ہوگئی اور وہ ابوظبی میں جاری ایڈیشن کے لیڈنگ وکٹ ٹیکر بن گئے۔
لاہور قلندرز کے شاہین شاہ آفریدی کی وکٹوں کی تعداد 16 اور پشاور زلمی کے وہاب ریاض کی وکٹوں کی تعداد 14 ہے۔
Truly inspiring to watch a rookie from Larkana reach the top of the bowling charts! An unreal spell tonight.#HBLPSL6 | #MatchDikhao | #MSvLQ l @ShahnawazDahani pic.twitter.com/yJxzrg6ATD
— PakistanSuperLeague (@thePSLt20) June 18, 2021
اس کے علاوہ شاہین آفریدی نے ملتان کے خلاف میچ میں 3 کھلاڑی آؤٹ کرکے پی ایس ایل میں مجموعی طورپر وکٹوں کی نصف سنچری کی تھی۔
وہ یہ کارنامہ انجام دینے والے چھٹے بولر ہیں، ان سے قبل وہاب ریاض، حسن علی، محمد نواز، محمد عامر اور فہیم اشرف بھی پچاس پی ایس ایل وکٹیں لے چکے ہیں۔
