لاہور : سابق وزیر مملکت اور جھنگ سے ن لیگ کے سابق رکن قومی اسمبلی شیخ وقاص اکرم نے پاکستان تحریک انصاف میں باقاعدہ شمولیت کا اعلان کردیا۔
لاہور زمان پارک میں چیئرمین پی ٹی آئی عمران خان سے شیخ وقاص اکرم نے خصوصی ملاقات کی جس میں مرکزی سینئر نائب صدر تحریک انصاف چودھری فواد حسین، شمالی پنجاب کے صدر عامر محمود کیانی بھی موجود تھے۔
اس ملاقات میں شیخ وقاص اکرم نے عمران خان کی قیادت پر بھرپور اعتماد کا اظہار کرتے ہوئے پی ٹی آئی میں شمولیت کا اعلان کردیا۔
اس موقع پر شیخ اکرم نے تحریک انصاف کی حقیقی آزادی کی تحریک اور منشورکی مکمل حمایت کا بھی اعلان کیا۔
شیخ وقاص اکرم پی ٹی آئی میں شامل#ARYNews pic.twitter.com/AOhXqKKXnm
— ARY NEWS (@ARYNEWSOFFICIAL) March 11, 2023
چیئرمین پی ٹی آئی عمران خان نے بھی شیخ وقاص اکرم کی تحریک انصاف میں شمولیت کے فیصلے کا خیرمقدم کرتے ہوئے انہیں خوش آمدید کہا۔
یاد رہے کہ شیخ وقاص اکرم نے 2013 میں مسلم لیگ ق کو چھوڑ کر پاکستان مسلم لیگ ن میں شمولیت کا اعلان کیا تھا اور وہ قومی اسمبلی کے حلقے این اے 115 سے رکن اسمبلی منتخب ہوئے تھے۔
