کراچی : سابق مارننگ شو کی میزبان شائستہ لودھی کا کہنا ہے کہ میری پرورش ایک مڈل کلاس گھرانے میں ہوئی جہاں پیسے کی اتنی تنگی تو نہیں لیکن کہیں تفریح کی غرض سے جانے کیلئے اتنا سرمایہ نہیں ہوتا تھا۔
اے آو رائی ڈیجیٹل کے پروگرام گڈ مارننگ پاکستان میں سوالات کا جواب دیتے ہوئے شائستہ لودھی نے اپنی زندگی کے رازوں سے پردہ اٹھایا اور بتایا کہ انہوں نے کن حالات میں تعلیم حاصل کی اور ازدواجی زندگی میں جو مشکلات پیش آئیں ان پر کیسے قابو پایا۔
شائستہ لودھی کا کہنا تھا کہ ان دنوں میری شدید خواہش تھی کہ کاش کچھ ایسا ہوجائے کہ میں اپنے والدین کو بیرون ملک سیر کراؤں انہیں حج پر لے کر جاؤں۔
انہوں نے کہا کہ پھر کافی وقت کے بعد جب میں تعلیم مکمل کی اور میڈیا میں جاب کی اس کے بعد میری خواہش پوری ہوئی اور میں نے اپنے والدین کو بیرون ملک کا سفر کروایا۔
ایک موقع پر ان کا کہنا تھا کہ گھر میں لڑائیاں ساحر بھائی کراتے ہیں اور بعد سائیڈ پر بیٹھ کر ہنستے ہیں، شائستہ نے بتایا کہ میں ہمیشہ امی ساتھ دیتی تھی۔
