حکومت کی جانب سے پیٹرولیم مصنوعات کی قیمتوں میں اضافے پر اداکار شان شاہد بھی بول پڑے۔
پاکستانی فلم انڈسٹری کے معروف اداکار شان شاہد نے پیٹرول اور ڈیزل کی قیمت میں اضافے پر سماجی رابطے کی ویب سائٹ ٹویٹر پر ردعمل دیا۔
شان شاہد نے لکھا کہ ’پیٹرول مہنگا اور ضمیر سستے، اداکار نے سوال کیا کہ اچھا کون ہے؟‘
Petrol mehnga or zameer sastay… bhala Kon?
— Shaan Shahid (@mshaanshahid) May 26, 2022
اداکار نے چند منٹ قبل ٹویٹ کیا جس پر ہزاروں صارفین نے ردعمل دیا اور صارفین پیٹرولیم مصنوعات کی قیمتوں میں اضافے پر حکومت کو تنقید کا نشانہ بنا رہے ہیں۔
مزید پڑھیں: حکومت کا پیٹرول اور ڈیزل مہنگا کرنے کا اعلان
واضح رہے کہ اب سے کچھ دیر قبل وزیر خزانہ مفتاح اسماعیل نے پیٹرول اور ڈیزل کی قیمت میں 30 روپے اضافے کا اعلان کیا، لائٹ ڈیزل اور مٹی کے تیل کی قیمت میں بھی 30 روپے اضافہ کیا گیا ہے جس کا اطلاق آج رات 12 بجے سے ہی ہوگا۔
ان کا کہنا تھا کہ پیٹرولیم مصنوعات کی قیمتیں بڑھائے بغیر آئی ایم ایف سے قرض نہیں مل سکتا۔