تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

بغاوت کا مقدمہ، پی ٹی آئی کی خاتون رہنما نے عدالت سے رجوع کرلیا

اسلام آباد : پی ٹی آئی رہنما شاندانہ گلزار نے بغاوت کے مقدمے کیخلاف اسلام آباد ہائیکورٹ سے رجوع کرلیا، درخواست میں آئی جی اور ایس ایچ او کو فریق بنایا گیا ہے۔

تفصیلات کے مطابق تحریک انصاف کی خاتون رہنما شاندانہ گلزار نے ریاستی اداروں کیخلاف ہرزہ سرائی کرنے کے مقدمے کے اخراج کیلئے عدالت میں درخواست جمع کرادی۔

درخواست میں مؤقف اختیار کیا گیا ہے کہ دہشت گردی کیخلاف خیبرپختونخوا کے عوام نے سب سے زیادہ نقصان اٹھایا، کے پی کے عوام نے60ہزار سے زائد جانوں کی قربانی دی ہے، کےپی کا ہر دوسرا گھر گزشتہ حکومتوں کی ناقص پالیسیوں سے براہ راست متاثر ہوا ہے۔

درخواست میں کہا گیا ہے کہ لاکھوں لوگ اپنے ہی وطن میں آئی ڈی پیز کے طور پر ہجرت پر مجبور ہوئے، لہٰذا خیبرپختونخوا کے افسوسناک اور تاریخی پہلوؤں سے متعلق بات کرنا بغاوت کے زمرے میں نہیں آتا، افراد یا اداروں کی ناکامیوں پر تنقید کیلئے بغاوت کا الزام آئین کا مذاق اڑانے کے مترادف ہے۔

درخواست کے متن میں لکھا ہے کہ اداروں کی ناکامی پر تنقید کرنے پر پابندی عائد کرنا غیرقانونی اور غیرآئینی عمل ہے، درخواست گزار کو حکومت اور پولیس کی جانب سے ہراساں کیا جارہا ہے، کسی بھی شخص کو ہراساں کرنا غیرقانونی اور بنیادی حقوق کی خلاف ورزی ہے۔

مزید پڑھیں : تحریک انصاف کی خاتون رہنما کے خلاف مقدمہ درج

شاندانہ گلزار نے عدالت سے استدعا کی کہ عدالت ویمن پولیس اسٹیشن اسلام آباد میں درج کی گئی ایف آئی آر کو خارج کرنے کاحکم دے۔ مذکورہ درخواست میں وفاقی حکومت، آئی جی اسلام آباد اور ایس ایچ او تھانہ ویمن کو فریق بنایا گیا ہے۔

Comments

- Advertisement -