لندن: سابق آسٹریلوی اسپنر شین وارن کی کروڑوں ڈالر کی وصیت سامنے آگئی، جس میں اثاثوں کی تقسیم کی تفصیلات بھی موجود ہے۔
غیر ملکی میڈیا رپورٹ کے مطابق آنجہانی آسٹریلوی اسپنر شین وارن کی 20.7 ملین ڈالر کی وصیت سامنے آگئی، جس کے مطابق اثاثوں کا بیشتر حصہ تینوں بچوں میں تقسیم ہوگا جبکہ ان کی سابقہ اہلیہ سیمون اور گرل فرینڈ لز ہرلی کو شین وارن کے اثاثوں سے کچھ نہیں ملے گا۔
وصیت کے مطابق شین وارن کی جائیداد کا 31 فیصد ان کے بچوں کو دیا جائے گا، 9 فیصد فیملی کے دیگر افراد کو ملے گا، 7 فیصد بھائی جیسون کو ملے گا، 2 فیصد بھتیجوں سیباستین اور ٹیلا کے نام کیا گیا ہے۔
شین وارن کے اثاثوں میں 6.5 ملین ڈالر کا گھر، 5 ملین ڈالرز بینک اکاؤنٹ میں، ایک اور اکاؤنٹ میں 5 لاکھ ڈالرز اور تقریباً 3 ملین ڈالرز شیئرز تھے، اس کے علاوہ دیگر سامان میں ایک جیٹ سکی بھی تھی۔
شین وارن کی آخری رسومات ادا، کئی بڑے کھلاڑی شریک
واضح رہے کہ لیجنڈری کرکٹر شین وارن کا انتقال تھائی لینڈ میں دل کا دورہ پڑنے سے ہوا تھا، اپنے کرئیر ٹیسٹ کرکٹ میں شین وارن نے 17 مرتبہ میں آف دی میچ کا اعزاز حاصل کیا۔
شین وارن نے 1992 سے 2007 تک آسٹریلیا کی نمائندگی کی اور 145 ٹیسٹ میں 708 وکٹیں حاصل کیں، 194 ایک روزہ میچز میں 293 اور 73 ٹی ٹوئنٹی میں 70 وکٹیں حاصل کی تھیں۔
