sharbat شربت گلا کو افغانستان میں تین ہزارگز کا گھرمل گیا afghanistan
The news is by your side.

Advertisement

شربت گلا کو افغانستان میں تین ہزارگز کا گھرمل گیا

کابل : غیر قانونی طور پر پاکستانی شناختی کارڈ بنانے کے الزام میں سزا یافتہ اور ملک بدر کی جانے والی شربت گلا کو افغانستان میں تین ہزار گز پر مشتمل گھر دے دیا گیا۔

تفصیلات کے مطابق سبز آنکھوں کے حوالے سے شہرت حاصل کرنے والی شربت گلالئی عرف افغانی مونا لیزا کو افغان حکومت کی جانب سے بطور تحفہ تین ہزار گز کا گھر دیا گیا ہے، اس گھر کی تزئین و آرائش بھی شربت گلا کی خواہش کے مطابق کی گئی ہے۔

افغانستان کے وزیر اطلاعات کے ترجمان کے مطابق45سالہ شربت گلالئی کو گھر کے علاوہ علاج معالجے کیلئے سات سو ڈالر ماہانہ اخراجات بھی ادا کیے جائیں گے۔

واضح رہے کہ شربت گلا افغان جنگ کے بعد سال انیس سو چوراسی میں اپنے خاندان کے ساتھ پاکستان آگئی تھی۔

اپنی خوبصورت آنکھوں کے باعث شربت گلا شہرت کی بلندیوں پراس وقت پہنچی جب23سال قبل نیشنل جیو گرافک میگزین کے کور پیج پر اس کی تصویر شائع ہوئی اور اسے افغانی مونا لیزا کا خطاب دیا گیا۔


مزید پڑھیں: افغان مونا لیزا شربت گلہ کو افغانستان ڈی پورٹ کردیا گیا


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Comments

comments

یہ بھی پڑھیں