شارع فیصل پر ائیرپورٹ کے قریب پولیس اہلکار اور اس کے دوستوں کو لوٹنے والے اسٹریٹ کرمنل کی ہلاکت کی فوٹیج سامنے آگئی۔
تفصیلات کے مطابق 28 فروری کو شارع فیصل پر ائیرپورٹ کے قریب پولیس اہلکار اور اس کے دوستوں کو لوٹنے والا ملزم کیسے مارا گیا، سی سی ٹی وی فوٹیج اے آر وائے نیوز کو موصول ہوگئی۔
رپورٹ کے مطابق شارع فیصل پر سیکیورٹی زون 2 میں تعینات اہلکار عزیر اپنے گھر جارہا تھا، کار میں پولیس اہلکار کا بھائی اور دوست بھی ساتھ تھا اس دروان ڈکیتی کا واقعہ پیش آیا۔
فوٹیج میں دیکھا جاسکتا ہے فنی خرابی کی وجہ سے کار کو فلک ناز کے قریب روکنا پڑا دوست ذیشان نے مسئلہ چیک کرنے کے لیے بونٹ اوپر کیا اچانک سے 2 موٹرسائیکل سوار ملزمان آئے اور اسلحہ نکال لیا۔
فوٹیج میں دیکھا جاسکتا ہے کہ ملزم زیشان سے موبائل فون چھین کر بھائی کی طرف آنے لگا اہلکار عذیر نے اپنا ذاتی پستول نکالا اور ملزمان پر گولیاں چلا دی گولی لگنے سے ایک ملزم زخمی دوسرا اندھیرے میں فرار ہوگیا۔
پولیس نے بتایا کہ زخمی ملزم اسپتال جاتے ہوئے راستے میں ہی ہلاک ہوا، واقعے کا مقدمہ ائیرپورٹ تھانے میں درج کرلیا گیا ہے۔
