کراچی: قومی کرکٹ ٹیم کے اوپنر بلے باز شرجیل خان کے ہاں ننھی پری کی آمد ہوئی ہے۔
تفصیلات کے مطابق قومی کرکٹ ٹیم کے اوپنر اور پی ایس ایل میں کراچی کنگز کی نمائندگی کرنے والے شرجیل خان کے ہاں بیٹی کی پیدائش ہوئی ہے۔
شرجیل خان نے بیٹی کی پیدائش کی اطلاع سماجی رابطے کی ویب سائٹ ٹویٹر پر دی۔
انہوں نے لکھا کہ ’ہم اپنی بچی کی آمد کی اطلاع دیتے ہوئے خوش ہیں، شکر الحمدللہ۔‘
We are happy to announce the arrival of our baby❤️. Blessed with a baby girl ❤️ shukar Allhamdulliah 😊
— Sharjeel khan (@SharjeelLeo14) May 18, 2020
شرجیل خان کو کرکٹرز اور مداحوں کی جانب سے مبارکباد دینے کا سلسلہ جاری ہے، راشد لطیف، فیصل اقبال، عامر یامین، کامران اکمل، بلاول بھٹی ودیگر کی جانب سے انہیں مبارکباد اور نیک تمناؤں کا اظہار کیا گیا۔
کراچی کنگز کی جانب سے بھی شرجیل خان کو مبارکباد دی گئی اور کہا کہ فیملی میں نئے مہمان کے اضافے کے لیے دعائیں، اللہ آپ کو اور گھر والوں کو سلامت رکھے۔
Many Many heartiest prayers and love for the new addition in the family may Allah bless your family.
— Karachi Kings (@KarachiKingsARY) May 18, 2020
واضح رہے کہ شرجیل خان کی پی ایس ایل کے ذریعے کراچی کنگز میں واپسی ہوئی ہے اور سابق کرکٹرز کی جانب سے انہیں ورلڈ ٹی ٹوینٹی کے لیے اسکواڈ میں شامل کرنے کا مطالبہ کیا جارہا ہے۔
