The news is by your side.

Advertisement

سونے کی قیمتیں آسمان کو چھونے لگیں

کراچی : پاکستان میں سونے کی فی تولہ قیمت میں 700 روپے اضافے کے بعد ایک لاکھ 5 ہزار 200 روپے تک جا پہنچی جبکہ عالمی مارکیٹ میں سونا 12 ڈالر اضافے سے 1782 ڈالر فی اونس کا ہوگیا ہے۔

تفصیلات کے مطابق عالمی منڈی میں سونے کی قیمتوں میں اضافے کے بعد مقامی صرافہ مارکیٹوں میں بھی سونے کی قیمتوں میں اضافہ دیکھا گیا۔

جیولرز ایسوسی ایشن کے مطابق فی تولہ سونے کی قیمت 700روپے اضافے کے بعد ایک لاکھ 5 ہزار 200 روپے ہوگئی۔

دس گرام سونا 600 روپے مہنگا ہوکر 90 ہزار 192 روپے کا ہوگیا،جبکہ عالمی صرافہ بازار میں سونے کی قدر 12 ڈالر اضافے سے 1782 ڈالر فی اونس ہے۔

یاد رہے کہ گزشتہ روز عالمی مارکیٹ میں سونے کی فی اونس قیمت میں کمی کے باوجود پاکستان میں فی تولہ کی قیمت میں 200 روپے اضافہ ریکارڈ کیا گیا تھا۔

آل پاکستان جیولرز ایسوسی ایشن کے چیئرمین محمد ارشد کا کہنا تھا کہ مالی سال 2019-2020 کے دوران سونے کی فی تولہ قیمت میں 26 ہزار روپے اضافہ ہوا، گزشتہ برس جون کی تیس تاریخ کو پاکستان میں سونے کی فی تولہ قیمت 78 ہزار 500 روپے تھی۔

fb-share-icon0
Tweet 20

Comments

comments

یہ بھی پڑھیں