The news is by your side.

Advertisement

شمالی وزیرستان: فورسز کی فضائی کارروائی،14دہشت گردہلاک

شوال : شمالی وزیرستان کے علاقے شوال میں سیکیورٹی فورسز کی فضائی کارروائی میں چودہ دہشت گرد ہلاک اور ان کے متعدد ٹھکانے تباہ کردیئے گئے۔

شمالی وزیرستان میں پاک فوج کے جوان دہشت گردوں کے خلاف سینہ سپر ہیں۔ متعدد کارروائیوں میں سینکڑوں دہشت گرد جہنم واصل ہوچکے ہیں۔

پاک فوج کے سربراہ جنرل راحیل شریف کے احکامات کے بعد سے شدت پسندوں کے خلاف فضائی کارروائیوں میں تیزی آگئی ہے۔

پاک فوج نے شمالی وزیرستان کے علاقے شوال میں دہشت گردوں کے خلاف فضائی کارروائی کی۔ آئی ایس پی آر کے مطابق فضائی کارروائی کے دوران چودہ دہشت گرد ہلاک ہوگئے جبکہ دہشت گردوں کے متعدد ٹھکانے بھی تباہ کردیئے گئے۔

واضح رہے کہ شوال کو دہشت گردوں کو کا گڑھ سمجھاجاتا تھا لیکن پاک فوج نے ایک ہفتے میں ہی شوال کو دہشتگردوں کے قبضہ سے چھڑا کر مکمل کنٹرول حاصل کر لیاہے او ر اب ان کے خفیہ ٹھکانوں کو نشانہ بنایا جا رہاہے۔

Comments

comments

یہ بھی پڑھیں