کراچی : محکمہ موسمیات نے آج شوال کا چاند نظر آنے کے قوی امکانات ظاہر کردئیے اور کہا چانددیکھنےکےدوران آج ملک بھرمیں موسم ابر آلود رہے گا،کل 3بج کر2 منٹ پر چاند کی پیدائش شروع ہوگئی تھی۔
تفصیلات کے مطابق کراچی محکمہ موسمیات نے آج منگل کو شوال کا چاند نظرآنے کا قوی امکان ظاہرکرتے ہوئے کہا ملک کے بیشتر حصوں میں مطلع صاف اور کہیں جزوی ابر آلود رہنے کا امکان ہے۔
محکمہ موسمیات کے مطابق شوال کے چاند کی پیدائش پیر دوپہر 3 بجکر 2 منٹ پر ہو چکی ہے، 7 بج کر 19 منٹ پر سورج غروب ہوگا اور چاند کی عمر 28 گھنٹے 42 منٹ ہوگی۔
خیال رہے عید الفطرکاچانددیکھنےکیلئےمرکزی رویت ہلال کمیٹی کا اجلاس آج ہوگا۔اجلاس کی صدارت چیئرمین مرکزی رویت ہلال کمیٹی مفتی منیب الرحمن کریں گے ، مرکزی رویت ہلال کمیٹی شہادتوں کی بنیاد پرعید الفطرکاچاند نظرآنےیانہ آنےکااعلان کرے گی۔
مزید پڑھیں : مرکزی رویت ہلال کمیٹی کا اجلاس آج کراچی میں ہوگا
یاد رہے وزیر سائنس اینڈ ٹیکنالوجی نے کہا تھاآج آخری روزہ ہے ، 3بج کر دو منٹ پر چاند کی پیدائش ہوگئی ہے، لوگ کل چاند دیکھ کر تسلی کرسکتے ہیں، کراچی اورگوادر کی ساحلی پٹی پر بغیر دوربین کے بھی عید کا چاند دیکھا جاسکتا ہے۔
ان کا کہنا تھا میٹ کی 66سائٹس رویت ہلال کےلیےکھولی جائیں گی، کچھ سائٹس انتہائی جدید کچھ بنیادی ہیں ، یقینی بنائیں گےعوام خود چاند دیکھیں ، عوام چندلوگوں کے بجائے ٹیکنالوجی پر اعتماد کریں۔
