The news is by your side.

Advertisement

چیف جسٹس سندھ ہائی کورٹ کا عرفان مہر کے قتل کا نوٹس، اعلیٰ حکام طلب

کراچی: سندھ ہائی کورٹ کے چیف جسٹس نے دو روز قبل ٹارگٹ کلنگ میں جاں بحق ہونے والے وکیل کے قتل کا  نوٹس لے لیا۔

اے آر وائی نیوز کے مطابق چیف جسٹس سندھ ہائی کورٹ نے سیکرٹری سندھ بارکونسل عرفان مہر کے قتل کا نوٹس لیتے ہوئے آئی جی سندھ، ڈی آئی جی انویسٹی گیشن سے رپورٹ طلب کرلی۔

اس کے ساتھ ہی ایس ایس پی ایسٹ اور تفتیشی افسرکو بھی 6 دسمبرکو تحقیقات میں ہونے والی پیشرفت رپورٹ  سمیت پیش ہونے کی ہدایت کی ہے۔

یاد رہے یکم دسمبر کی صبح کراچی کے علاقے گلستان جوہر بلاک 13 میں نامعلوم ملزمان نے کار پر فائرنگ کی، جس کے نتیجے میں کار سوار سندھ بار کونسل کے سیکرٹری عرفان مہر جاں بحق ہوگئے تھے۔ پولیس کا کہنا تھا کہ سندھ بار کونسل کے سیکریٹری عرفان مہرکوٹارگٹ کلنگ کا نشانہ بنایا گیا ، عرفان مہربچوں کواسکول چھوڑنے جارہے تھے۔

مزید پڑھیں: ٹارگٹ کلرز نے وکیل عرفان مہر کو کیسے قتل کیا ؟ تفتیشی حکام کے اہم انکشافات

وزیراعلیٰ سندھ مراد علی شاہ نے عرفان مہر کے قتل کا نوٹس لیتے ہوئے قاتلوں کی گرفتاری کے احکامات دیے تھے۔ اُن کا کہنا تھا کہ ’مجھے وکیل عرفان مہر کے قاتل ہر صورت چاہیں‘۔

Comments

یہ بھی پڑھیں