اسلام آباد : سندھ ہائی کورٹ نے غیر قانونی تعمیرات کیس میں فوجداری کارروائی کا حکم دیتے ہوئے بلڈرز،پلاٹ مالک، ایس بی سی اے افسران کے خلاف ایف آئی آر درج کرنے کا حکم دے دیا۔
تفصیلات کے مطابق سندھ ہائی کورٹ میں نارتھ ناظم آباد بلاک سی میں غیر قانونی تعمیرات سے متعلق کیس کی سماعت ہوئی ، سربمہر عمارت ڈی سیل کرکے تعمیرات پر عدالت نے سخت برہمی کا اظہار کرتے ہوئے غیر قانونی تعمیرات پر ڈپٹی ڈائریکٹر ایس بی سی اے سینٹرل کو جھاڑ پلادی۔
جسٹس ظفر احمد راجپوت نے استفسار کیا اب تک کارروائی کیوں نہیں کی؟ ملی بھگت کے بغیر غیر قانونی تعمیرات ممکن نہیں، کس انسپکٹر کے خلاف کیا کارروائی کی؟
جسٹس فیصل کمال نے ریمارکس میں کہا بلڈر ہی نہیں سب کے خلاف ایف آئی آر درج ہوگی، سربمہر پلاٹ ڈی سیل کرنا سیدھاسا ایف آئی آرکامعاملہ ہے۔
جسٹس ظفراحمدراجپوت نے استفسار کیا علاقے کے ایس بی سی اےانسپکٹرزکیاکر رہےہیں؟ عدالت نے غیر قانونی تعمیرات کیس میں فوجداری کارروائی کا حکم دیتے ہوئے بلڈرز،پلاٹ مالک، ایس بی سی اے افسران کے خلاف ایف آئی آر درج کرنے کا حکم دے دیا۔
درخواست گزار نے کہا تھا کہ نارتھ ناظم آبادبلاک سی میں گراونڈ پلس 3پورشنزبنادیےگئے، پلاٹ نمبر اے 482 پر تعمیرات مسمار کرنے کا حکم دیا جائے۔
