پی ٹی آئی رہنما شیریں مزاری نے آپریشن ریٹارٹ کے 4 سال مکمل ہونے پر کہا ہے کہ یہ عمران خان حکومت تھی جس نے بالاکوٹ میں بھارتی جارحیت کا منہ توڑ جواب دیا۔
اے آر وائی نیوز کے مطابق پاک فوج کے آپریشن ریٹارٹ کے 4 سال مکمل ہونے پر پی ٹی آئی کی مرکزی رہنما اور سابق وفاقی وزیر شیریں مزاری نے سماجی رابطوں کی ویب سائٹ ٹوئٹر پر اظہار خیال کیا ہے۔
شیریں مزاری نے اپنے ٹویٹ میں لکھا ہے کہ یہ عمران خان کی حکومت تھی جس نے بالاکوٹ میں بھارتی جارحیت کا منہ توڑ جواب دیا تھا اور بھارت کو صاف بتایا تھا کہ بھارتی مہم جوئی کا مقابلہ پسند کی جگہ اور وقت کے مطابق ہوگا۔
پی ٹی آئی رہنما نے مزید لکھا کہ بھارت کو منہ توڑ جواب دے کر یہ پیغام دیا تھا کہ ہم ہر سطح پر بھارتی خطرے کا مقابلہ کر سکتے ہیں۔
It was PTI govt led by PM IK that gave a definitive response to Indian aggression in Balakot in Feb 2019. It sent clear signal that Indian mly adventurism would be met by Pak response at a time, place & level of our choosing – msg was we can meet the Indian threat at all levels.
— Shireen Mazari (@ShireenMazari1) February 27, 2023
واضح رہے کہ چار سال قبل مودی نے پلواما میں اپنے فوجیوں کو مروانے کا ڈرامہ رچاتے ہوئے اس کا الزام پاکستان پر لگایا تھا اور پھر اس کی آڑ لیتے ہوئے بھارتی طیاروں نے26 فروری 2019 کو بالاکوٹ میں درخت اور کوے مار گرائے تھے۔
پاکستان کے شاہینوں نے جب اڑان بھری تو بھارتی طیاروں کی سٹی گم ہوگئی، شاہینوں کے اڑان بھرتے ہی بزدل بھارتی طیارے پے لوڈ گرا کر بھاگ نکلے تھے۔
پاکستان نے علی الاعلان بھارت کو سرپرائز دینے کا فیصلہ کیا اور اس وقت کے وزیر اعظم عمران خان نے قوم سے خطاب کرتے ہوئے کہا تھا کہ پاکستان جوابی کارروائی کرنے کا سوچے گا نہیں بلکہ جوابی کارروائی کرے گا۔
عمران خان کے خطاب کے اگلے ہی دن پاک فوج نے کرار جواب بھی دے دیا، پاکستان کے جرات مندانہ کرارے جواب "آپریشن سوئفٹ ریٹارٹ” کو پوری دنیا نے سراہا۔
یہ بھی پڑھیں: 27فروری : پاک فوج کے آپریشن سوئفٹ ریٹارٹ کو 4 سال مکمل
27فروری2019 کو در اندازی کرنے والے 2 بھارتی طیاروں کو پاکستان نے نہ صرف مار گرایا بلکہ پاکستان نے بھارتی پائلٹ ابھی نندن کو زندہ گرفتاربھی کیا اور بعد ازاں فنٹاسٹک چائے پلاکر باعزت طریقے سے رخصت بھی کیا۔