تہران: وزیر اعظم شہباز شریف نے دورہ ایران کے موقع پر ایرانی سپریم لیڈر آیت اللہ خامنہ ای کو دورہ پاکستان کی دعوت دے دی۔
وزیر اعظم شہباز شریف نے ایرانی سپریم لیڈر آیت اللہ خامنہ ای سے ملاقات کی جس میں انہوں نے صدر ابراہیم رئیسی اور ساتھیوں کے انتقال پر تعزیت کا اظہار کیا۔
شہباز شریف نے کہا کہ ابراہیم رئیسی وژنری تھے قوم کی خدمت کیلیے ثابت قدمی کا مظاہرہ کیا۔ وزیر اعظم نے دونوں ممالک کے تعلقات کو مزید مضبوط بنانے میں ابراہیم رئیسی کے قابلِ تعریف کردار کو اجاگر کیا۔
انہوں نے کہا کہ تعلقات کو مزید مستحکم کرنے کیلیے ابراہیم رئیسی کے ویژن کو جاری رکھیں گے۔ شہباز شریف نے کہا کہ نے تاریخ کے نازک موڑ پر ایرانی عوام کے ساتھ یکجہتی کا اظہار اور دوستی اور بھائی چارے کو مزید مضبوط بنانے کیلیے عزم کا اعادہ کیا۔
Prime Minister of Pakistan,Mr. Shehbaz Sharif condoling with Supreme leader of Iran H.E Ayatollah Imam Khamenei over tragic death of President Raisi and his colleagues, today. pic.twitter.com/XPYkhTXhjV
— Pakistan Embassy Iran (@PakinIran) May 22, 2024
وزیر اعظم نے کہا کہ امت مسلمہ اور غزہ کے عوام کیلیے ابراہیم رئیسی کی خدمات یاد رکھی جائیں گی، مشکل گھڑی میں پاکستان کی حکومت اور عوام ایران کے ساتھ ہیں۔
ملاقات میں آیت اللہ خامنہ ای نے کہا کہ پاکستان کے ساتھ تعلقات کو زیادہ اہمیت دیتے ہیں، تعلقات کیلیے ابراہیم رئیسی کے وژن کو آگے بڑھائیں گے۔
اس دوران وزیر اعظم نے ایرانی سپریم لیڈر کو پاکستان کا دورہ کرنے کی بھی دعوت دی۔
Prime Minister Shahbaz Sharif condoling with the care taker President of Iran, Mr. Mohammad Mokhber at commemoration ceremony of the late president Raisi today pic.twitter.com/k9qDqemQcI
— Pakistan Embassy Iran (@PakinIran) May 22, 2024