اسلام آباد: اپوزیشن لیڈر شہبازشریف کا کہنا ہے کہ سعد رفیق کو پی اے سی ممبر بنانے کے لیے لکھ کربھیج دیا ہے۔
تفصیلات کے مطابق اسلام آباد میں میڈیا سے گفتگو کرتے ہوئے اپوزیشن لیڈر شہبازشریف نے کہا کہ میری صحت بہتر ہے، کمر کا درد چل رہا ہے، آپ دعا کریں علاج ہورہا ہے اللہ خیرکرے گا۔
اپوزیشن لیڈر شہباز شریف نے کہا کہ ڈاکٹرزکہہ رہے ہیں فزیوتھراپی اورایکسرسائزسے بہتری ہوگی۔
انہوں نے کہا کہ ایاز صادق کی جگہ سعد رفیق کو پبلک اکاؤنٹس کمیٹی کا رکن بنانے کے لیے اسپیکر قومی اسمبلی کو خط لکھ دیا ہے۔
اپوزیشن لیڈر شہباز شریف نے شیخ رشید کوپی اے سی ممبربنانے کی تجویزپر جواب دینے سے گریز کیا۔
شہباز شریف کی سخت سیکیورٹی میں پمز اسپتال آمد، مکمل طبی معائنہ
یاد رہے کہ گزشتہ ہفتے اپوزیشن لیڈر شہبازشریف کا پمز اسپتال میں میڈیکل بورڈ نے طبی معائنہ کیا تھا، شہبازشریف کے ایکو، الٹراساؤنڈ اور معدے کے ٹیسٹ کیے گئے۔
واضح رہے کہ اپوزیشن لیڈر شہبازشریف 5 اکتوبر سے آشیانہ ہاؤسنگ سوسائٹی اسکینڈل میں نیب کی حراست میں ہیں۔
