اسلام آباد: وزیراعظم شہباز شریف آج متحدہ عرب امارات (یو اے ای) کا دورہ کریں گے جہاں وہ اماراتی صدر شیخ محمد بن زاید سے ملاقات کریں گے۔
ترجمان دفتر خارجہ کے مطابق اہم وزراء پر مشتمل وفد بھی وزیر اعظم شہباز شریف کے ہمراہ ہوگا، اس دورے میں یو اے ای کے صدر اور ابوظبی کے شیخ محمد بن زاید سے ملاقات متوقع ہے۔
وزیر اعظم اپنے اس دورے میں تجارت، سرمایہ کاری پر خصوصی توجہ اور دو طرفہ تعلقات پر تبادلہ خیال کریں گے، وزیر اعظم کی دیگر اماراتی، کاروباری شخصیات اور اداروں کے سربراہان سے بھی ملاقات کا امکان ہے۔
- Advertisement -
واضح رہے کہ وزیر اعظم شہباز شریف کا اپنے انتخاب کے بعد متحدہ عرب امارات کا پہلا دورہ ہوگا، وزیر اعظم کا دورہ کثیرالجہتی دو طرفہ تعاون کو مزید گہرا کرنے کی جانب اہم قدم ہے۔
