تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

شہباز شریف کا وزیراعظم سے مستعفی ہونے کا مطالبہ

اپوزیشن لیڈر شہباز شریف نے بجلی کی قیمت میں اضافے کو مسترد کرتے ہوئے کہا ہے کہ کرپٹ حکومت کا خاتمہ ہی عوام کے ریلیف کا واحد ذریعہ ہے۔

اے آر وائی نیوز کے مطابق اپوزیشن لیڈر شہباز شریف نے اپنے ایک بیان میں بجلی کی قیمت میں 3 روپے سے زائد اضافے کو مسترد کرتے ہوئے کہا کہ عمران نیازی مہنگائی سے عوام کی زندگیاں چھیننے کے بجائے مستعفی ہوجائیں۔

ن لیگ کے صدر کا مزید کہنا تھا کہ 4سال میں ثابت ہوا کہ حکومت کے پاس صرف مہنگائی اور کرپشن پلان ہے،اس حکومت میں عوام کو ریلیف تو نہیں مل سکا، صرف تکلیف درتکلیف کا سلسلہ جاری ہے۔

شہباز شریف نے کہا کہ عمران نیازی ہر روز مہنگائی کی بجلی عوام پر گراتے ہیں اور پٹرول بم گرانے کی تیاری ہے، اس نکمی، نااہل ترین اور کرپٹ حکومت کا خاتمہ ہی عوام کے ریلیف کا واحد ذریعہ ہے۔

انہوں نے کہا کہ غریب دشمن حکومت ہر روز مہنگائی کا نیا حکم جاری کرتی ہے، اب عوام کی طرف سے ان پر عدم اعتماد کا حکم جاری کرنے کا وقت آگیا ہے اور تحریک عدم اعتماد کے ذریعے عوام کو اس ظالم حکومت سے نجات دلائیں گے۔

شہباز شریف نے مزید کہا کہ کہا کہ یہ حکومت صرف مہنگائی کی تبدیلی لائی، ہرروز اشیاکی قیمت تبدیل ہوجاتی ہے۔

Comments

- Advertisement -