کراچی: صدر مسلم لیگ (ن) شہباز شریف کراچی میں قومی اسمبلی کے حلقہ این اے 242 سے دستبردار ہوگئے۔
(ن) لیگی رہنما رانا مشہود نے این اے 242 سے شہباز شریف کے کاغذات واپس لے لیے۔ حلقے سے صدر (ن) لیگ الیکشن میں حصہ نہیں لیں گے۔
رانا مشہود نے اپنے بیان میں بتایا کہ کوئی بھی امیدوار 2 سے زیادہ سیٹوں پر الیکشن نہیں لڑ سکتا، ہمارا اتحاد ہے این اے 242 پر شہباز شریف الیکشن نہیں لڑیں گے۔
ادھر، (ن) لیگ سے منسلک ذرائع نے بتایا کہ ایم کیو ایم پاکستام کی حمایت نہ ملنے پر سابق وزیر اعظم نے کاغذات واپس لیے۔
دو روز قبل ایم کیو ایم پاکستان نے این اے 242 پر (ن) لیگ سے سیٹ ایڈجسٹمنٹ کی تردید کی تھی۔ خالد مقبول صدیقی کا کہنا تھا کہ این اے 242 کراچی پر سیٹ ایڈجسمنٹ کی خبر کی تردید کرتے ہیں۔
خالد مقبول صدیقی نے کہا تھا کہ این اے 242 کراچی میں سیٹ ایڈجسٹمنٹ سے متعلق خبروں میں کوئی صداقت نہیں ہے، این اے 242 سے مصطفیٰ کمال ایم کیوایم پاکستان کے امیدوار ہیں۔
اس سے قبل یہ خبر بھی سامنے آئی تھی کہ این اے 242 پر (ن) لیگ اور ایم کیو ایم کے درمیان سیٹ ایڈجسٹمنٹ کے معاملات طے پا گئے ہیں لہٰذا مصطفیٰ کمار شہباز شریف کے حق میں دستبردار ہو گئے ہیں۔
