The news is by your side.

Advertisement

میں آج جس مقام پر ہوں،اس میں میرے اساتذہ کاکردارہے‘ شہبازشریف

لاہور: وزیراعلیٰ پنجاب نے اساتذہ کے عالمی دن پر اپنے پیغام میں کہا کہ کسی ملک و قوم کی ترقی کے لیے تعلیم یافتہ ہونا ضروری ہے۔

تفصیلات کے مطابق وزیراعلیٰ پنجاب شہبازشریف نے اساتذہ کے عالمی دن کے موقع پر کہا کہ قوم کے معماروں کو تعلیم کے زیور سے آراستہ کرنے والی ہستی کا نام استاد ہے۔

شہبازشریف نے کہا کہ ورلڈ ٹیچرز ڈے منانےکا مقصد اساتذہ کی اہمیت اجاگرکرنا اور طلبا میں ان کے احترام کے جذبے کو بیدار کرنا ہے۔

وزیراعلیٰ پنجاب شہبازشریف نے کہا کہ طالب علم کی شخصیت سازی میں والدین اور استاد کے کردار کو برابر کا درجہ حاصل ہے۔

شہبازشریف نے کہا کہ میں اپنے اور پورے ملک کے اساتذہ کو عزت واحترام سے سلام پیش کرتا ہوں اور آج میں جس مقام پر ہوں اس میں میرے اساتذہ کا بہت بڑا کردار ہے۔

وزیراعلیٰ پنجاب نے کہا کہ استاد ایسی شخصیت ہے جو علم کے چراغ جلاتی ہے اور طالب علم کی سوچ اور فکر کی راہ متعین کرنے میں استاد کا کردار نہایت اہمیت کا حامل ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں