کراچی : پاکستان کی شوبز انڈسٹری سے وابستہ نامور فنکار شہروز سبزواری اور ان کی اہلیہ صدف کنول نے عید کا دن کیسے گزارا اور قربانی کا گوشت کتنا کھایا۔
اس حوالے سے اے آر وائی نیوز کے پروگرام ہمارے مہمان میں گزشتہ سال شادی کے بندھن میں بندھنے والے صدف کنول اور شہروز سبزواری نے اپنے خیالات کا اظہار کیا، انہوں نے کہا کہ جو لوگ جو قربانی کا گوشت نہیں کھاتے ان کا مسئلہ ہی الگ ہے۔
ایک سوال کے جواب میں شہروز نے بتایا کہ میری خواہش ہے کہ میں ڈائریکٹر شعیب منصور کے ساتھ کام کروں، صدف سبزواری نے فیمینیزم کے حوالے سے بات کرتے ہوئے کہا کہ آج کی عورت بالکل بھی مظلوم نہیں ہے۔
انہوں نے کہا کہ عورت بہت مضبوط ہے، ہمارا کلچر ہے کہ عورت اپنے شوہر کی ضروریات کا خیال رکھے، میری بھی کوشش ہوتی ہے کہ شوہر کی ہر چیز کی ذمہ داری لوں۔
ایک سوال کے جواب میں شہروز کا کہنا تھا کہ میری بیٹی نورے مجھے جان سے زیادہ عزیز ہے، میں چاہتا ہوں کہ بلکہ میری دعاہے کہ میری بیٹی اللہ تعالیٰ سے ڈرنے والی اور رسول پاک سے محبت کرنے والی اچھی انسان بنے۔
اپنے مرحوم والد سے متعلق ایک سوال پر صدف بے اختیار رو پڑیں اور اپنے ابو کو یاد کرتے ہوئے منہ پھیر کر خاموش ہوگئیں، انہیں شہروز نے تسلی دی اور بتایا کہ صدف اپنے ابو کی بہت لاڈلی بیٹی تھیں۔