The news is by your side.

Advertisement

راناثنااللہ کو عالمی گروہ کے کارندوں کی نشاندہی پرگرفتار کیا، شہریار آفریدی

اسلام آباد: وزیر مملکت برائے سیفران شہریار آفریدی نے کہا راناثنااللہ کو عالمی گروہ کے کارندوں کی نشاندہی پرگرفتار کیا، ہمارے پاس تمام ثبوت موجود ہیں، بڑےمگرمچھوں پرآج ہاتھ ڈالاجارہاہے،انہیں مثال بنائیں گے۔

تفصیلات کے مطابق وزیر مملکت برائے سیفران شہریار آفریدی نےڈی جی اےاین ایف کے ہمراہ پریس کانفرنس کرتے ہوئے کہا منشیات فروش گرفتار کیے، ان کیلئےکسی نے آواز نہیں اٹھائی اس وقت راناثنااللہ کیلئے آوازاٹھانے والےکہاں تھے ؟ منشیات کی وجہ سے پاکستان کا امیج خراب ہوا۔

شہریارآفریدی کا کہنا تھا راناثنااللہ کی گاڑی اورنقل وحرکت کو3 ہفتے مانیٹرکیا، رانا ثنا کو عالمی گروہ کے کارندوں کی نشاندہی کے بعد گرفتار کیا، ہمارے پاس تمام ثبوت موجود ہیں، بڑے لوگ کرتے کیا کرتے ہیں۔

کوئی بھی قانون سے بالاتر نہیں ہے ، ہمارے پاس تمام ثبوت موجود ہیں

وزیر مملکت برائے سیفران نے کہا بڑے لوگوں کو کسی چنگی یا ناکے پر نہیں روکا جاتا، عام گاڑی پکڑی جاتی ہے ، بڑے لوگوں کو روکا نہیں جاتا ، جب تک طاقتور  لوگ شامل نہ ہوں یہ کام چل نہیں سکتا ، ایوان میں بیٹھنے والوں کا عمل داخل ہو توقوموں کی عزتوں کے جنازے نکلتے ہیں۔

ان کا کہنا تھا کیاماضی کی حکومتوں نےاس چیزکوفروغ دیا، کوئی بھی قانون سے بالاتر نہیں ہے ، ہمارے پاس تمام ثبوت موجود ہیں عدالت میں پیش کریں گے،  بڑے مگر مچھوں پر آج ہاتھ ڈالا جا رہا ہے، انہیں مثال بنائیں گے۔

بڑے مگر مچھوں پر آج ہاتھ ڈالا جا رہا ہے، انہیں مثال بنائیں گے

شہریارآفریدی کا کہنا تھا ہماری صفوں میں کوئی ایساہو ، جو ملکی عزت وسالمیت سے کھیلےگا، اسے عبرت کا نشان بنائیں گے ، 15 کلو ہیروئن کی بات نہیں پاکستان کی عزت وسالمیت کی ہے، طاقتور لوگوں کی پشت پناہی سے منشیات کا کاروبار چلتاہے۔

وزیر مملکت نے کہا 3 بارگاڑی میں خواتین ہونےکی وجہ سےان کی گاڑی کونہیں پکڑا، ہیروئن فیصل آباد سے لاہور اور پھر بیرون ملک جانی تھی ، تفصیل بتادی تو اس سے جڑے تمام افراد بھاگ جائیں گے۔

پاکستان سب سے زیادہ منشیا ت ضبط کرنے والا ملک  ہے، ڈی جی اےاین ایف


دوسری جانب ڈی جی اےاین ایف کا پریس کانفرنس میں کہنا تھا منشیات ناسورہے،بہت سی برائیوں کو جنم دیتا ہے ، پاکستان سب سے زیادہ منشیا ت ضبط کرنے والا ملک  ہے ، پچھلے سال 300میٹرک ٹن سے زائد منشیات پکڑی ، اےاین ایف نےرواں سال 100میٹرک ٹن منشیات پکڑی۔

انھوں نے مزید کہا معاشرےکومنشیات سےپاک کرناہےتوسب نے کرداراداکرناہے، بغیر سپورٹ کے ہم یہ جنگ نہیں جیت سکتے، صوبوں میں منشیات فروشوں کےخلاف کارروائیاں جاری ہیں، منشیات کےخلاف آگاہی مہم میں عوام،میڈیانےبھرپورساتھ دیا۔

Comments

یہ بھی پڑھیں