The news is by your side.

Advertisement

شیخ ہمدان ’برج خلیفہ‘ کے ٹاپ پر، ویڈیو وائرل

دبئی: متحدہ عرب امارات کے شہر دبئی کے ولی عہد شیخ ہمدان بن محمد بن راشد المکتوم کی برج خلیفہ پر چڑھنے کی ویڈیو وائرل ہوگئی۔

غیرملکی خبررساں ادارے کی رپورٹ کے مطابق دبئی کے ولی عہد شیخ ہمدان نے سمای رابطے کی ویب سائٹ انسٹاگرام پر برج خلیفہ پر چڑھنے کے بعد ویڈیو شیئر کی جسے سوشل میڈیا صارفین کی جانب سے خوب سراہا جارہا ہے۔

’ویڈیو میں دبئی کے ولی عہد شہزادہ برج خلیفہ کے بالکل اوپر چڑھتے ہوئے دیکھا جاسکتا ہے۔‘

ویڈیو میں شیخ ہمدان نے کیمرے کے ذریعے بلندی سے نیچے کی جانب دبئی کا خوب صورت منظر دکھایا، انہوں نے افق پر چمکتا ہوا چاند بھی دکھاایا۔

شیخ ہمدان نے عمارت کی بلندی کا ذکر کرتے ہوئے لکھا کہ ’828 میٹر بلندی پر چڑھنے کے بعد جوش و خروش۔‘

مذکورہ ویڈیو شیخ ہمدان نے دوپہر کے شیئر کی جسے ایک گھنٹے میں چار لاکھ سے زائد ویوز حاصل ہوئے، سوشل میڈیا صارفین کی جانب سے ان کی ویڈیو کو پسند کیا جارہا ہے۔

یاد رہے کہ اس سے قبل دبئی کے ولی عہد نے انسٹاگرام پر سورج گرہن کی تصاویر بھی شیئر کیں انہوں نے لکھا کہ دبئی کے شہری 172 سال بعد ایسا منظر دیکھ رہے ہیں اور اب اس طرح سورج کو گرہن 83 سال بعد لگے گا۔

Comments

یہ بھی پڑھیں